https://sputnik.kg/20250609/indiyanyn-ekonomikasy-1094494834.html
Мамытов: Индия ресурсунун көбүн XVIII-XIX кылымдарда жоготкон
Мамытов: Индия ресурсунун көбүн XVIII-XIX кылымдарда жоготкон
Sputnik Кыргызстан
Мамлекеттик башкаруу академиясынын жаңы экономика боюнча илим-изилдөө кафедрасынын жетекчиси, экономист Улукман Мамытов Индиянын экономикалык өзгөчөлүктөрү... 09.06.2025, Sputnik Кыргызстан
2025-06-09T09:48+0600
2025-06-09T09:48+0600
2025-06-09T09:48+0600
дүйнөдө
радио
экономика
индия
тарых
келечек
улукман мамытов
кыргызстан
https://sputnik.kg/img/07e7/06/08/1076048730_0:161:3067:1886_1920x0_80_0_0_3759d870605ec82b709908b7b04eb216.jpg
Индиянын экономикалык тарыхын алып карай турган болсок, абдан ресурска бай өлкө болгон. Улуу Британия басып алганга чейин Индия дүйнөлүк ИДПнын 25 пайызын түзгөн. Колониядан бошогон кезде көрсөткүч 4 пайызга түшүп калган. Бул тууралуу Улукман Мамытов Sputnik Кыргызстан радиосуна маек куруп жатып билдирди. Анын айтымында, төрт кылым мурдагы Индияда темир, тери, жибек иштетүү технологиясы абдан мыкты өнүккөн. Экономист ошол эле учурда Кытай менен Индиянын экономикалык кадамдарындагы кескин айырмачылыктарды санады. "Биринчиден, экөөндө тең демографиялык өсүү мыкты деңгээлде, бул жагынан окшоштук бар. Керек болсо Индия Кытайдан ашып, калкынын саны боюнча дүйнөдө биринчи орунга чыкты, албетте, бул экономикасына оң таасирин тийгизет. Экинчиден, эки мамлекетте тең социалисттик башкаруу. Бирок бул эки башка социализм. Кытайда коммунистик партиянын башкаруусундагы пландык экономика, темирдей тартип болсо, Индияда ашынган либерализм. Эми ушул эки түрдүү социализмдин кайсынысы келечекте өзүн көрсөтө аларын азыр айтуу кыйын. Индияны экономикасы гүлдөп-өнүккөн алдыңкы өлкө болуп кетет деп божомолдоого тоскоолдук жараткан дагы бир көрүнүш — бул диний түшүнүктөрү, сансыз ишенимдер, касталык бөлүнүүлөр. Учурда бийлик бул жаатта мыйзамдарды кабыл алып иретке келтирүүгө аракеттенүүдө. Азырынча натыйжасы менен мактанууга эрте", — деди Мамытов. Ал Индиянын учурдагы күчтүү тарабы катары дүйнөлүк фармацевтика бизнесин ээлеп бараткандыгын жана IT багытында алдыңкы адистерге ээ экенин атады.
индия
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, экономика, индия, тарых, келечек, улукман мамытов, кыргызстан
дүйнөдө, экономика, индия, тарых, келечек, улукман мамытов, кыргызстан
Мамытов: Индия ресурсунун көбүн XVIII-XIX кылымдарда жоготкон
Мамлекеттик башкаруу академиясынын жаңы экономика боюнча илим-изилдөө кафедрасынын жетекчиси, экономист Улукман Мамытов Индиянын экономикалык өзгөчөлүктөрү тууралуу кеп кылды.
Индиянын экономикалык тарыхын алып карай турган болсок, абдан ресурска бай өлкө болгон. Улуу Британия басып алганга чейин Индия дүйнөлүк ИДПнын 25 пайызын түзгөн. Колониядан бошогон кезде көрсөткүч 4 пайызга түшүп калган. Бул тууралуу Улукман Мамытов
Sputnik Кыргызстан радиосуна маек куруп жатып билдирди.
Анын айтымында, төрт кылым мурдагы Индияда темир, тери, жибек иштетүү технологиясы абдан мыкты өнүккөн.
"Индиянын жайгашкан жери соодага ыңгайлуу, Улуу Жибек Жолунун күрөө тамыры болгон. Соода өнүккөн жерде, албетте, кийим тигүү, тери, жибекти иштетүү жакшы колго алынган. Мындан сырткары, чай плантациялары, климатынын жайлуулугу, башка табигый ресурстары Индияны экономикалык жактан беделдүү өлкөгө айланткан. Бирок британиялыктардын келиши менен бир кылым аралыгында абдан жакырланып, боштондук алган бир кылымда да андан суурулуп чыгып кете алган жок. Ошого карабай соңку жылдары мамлекетте экономикалык секириктер болуп жатат. Айрым экономист изилдөөчүлөр Индиянын келечекте Кытайдын экономикасынан озуп кетүү мүмкүнчүлүгү бар экенин айтышууда", — деди Мамытов.
Экономист ошол эле учурда Кытай менен Индиянын экономикалык кадамдарындагы кескин айырмачылыктарды санады.
"Биринчиден, экөөндө тең демографиялык өсүү мыкты деңгээлде, бул жагынан окшоштук бар. Керек болсо Индия Кытайдан ашып, калкынын саны боюнча дүйнөдө биринчи орунга чыкты, албетте, бул экономикасына оң таасирин тийгизет. Экинчиден, эки мамлекетте тең социалисттик башкаруу. Бирок бул эки башка социализм. Кытайда коммунистик партиянын башкаруусундагы пландык экономика, темирдей тартип болсо, Индияда ашынган либерализм. Эми ушул эки түрдүү социализмдин кайсынысы келечекте өзүн көрсөтө аларын азыр айтуу кыйын. Индияны экономикасы гүлдөп-өнүккөн алдыңкы өлкө болуп кетет деп божомолдоого тоскоолдук жараткан дагы бир көрүнүш — бул диний түшүнүктөрү, сансыз ишенимдер, касталык бөлүнүүлөр. Учурда бийлик бул жаатта мыйзамдарды кабыл алып иретке келтирүүгө аракеттенүүдө. Азырынча натыйжасы менен мактанууга эрте", — деди Мамытов.
Ал Индиянын учурдагы күчтүү тарабы катары дүйнөлүк фармацевтика бизнесин ээлеп бараткандыгын жана IT багытында алдыңкы адистерге ээ экенин атады.
