https://sputnik.kg/20250301/sogushtun-baatyrlarynyn-biri-nikolay-ananev-1092324674.html
Николай Ананьев — Кыргызстандан чыккан Советтер Союзунун Баатыры
Николай Ананьев — Кыргызстандан чыккан Советтер Союзунун Баатыры
Sputnik Кыргызстан
Улуу Ата Мекендик согуштагы Жеңиштин 80 жылдыгына карата майданда эрдик көрсөтүп, Баатыр наамы ыйгарылган кыргызстандык тууралуу баян. 01.03.2025, Sputnik Кыргызстан
2025-03-01T14:34+0600
2025-03-01T14:34+0600
2025-03-01T14:34+0600
ссср
улуу ата мекендик согуштагы жеңишке 80 жыл
улуу ата мекендик согуш
улуу жеңиш
панфилов дивизиясы
баатыр
эрдик
москва
кыргызстан
николай ананьев
https://sputnik.kg/img/07e9/02/18/1092261052_0:351:1600:1251_1920x0_80_0_0_eb5dbc17a8dc85ee2a4bdc779cf8e217.jpg.webp
Кызыл армиячы Николай Ананьев 1912-жылы Ысык-Көлдүн Сазановка (азыр Ананьево — ред.) айылында дүйнөгө келген. Улуту — орус.1941-жылдын июлунда Ананьев аскерге, Жумушчу-дыйкандардын Кызыл армиясынын катарына чакырылат да, Алма-Атада генерал-майор Иван Панфиловдун жетекчилигинде түзүлгөн 316-аткычтар дивизиясына (316 СД) кирет. 1941-жылдын августунда дивизиянын курамынан Новгороддун алдына, Батыш фронтуна резервдеги 52-армиянын курамына жөнөтүлөт. 27-августта дивизия Боровичиге келип түшүп, сентябрдын сегизинде армиянын экинчи эшелонунан орун алат.1941-жылдын 6-октябрында 316-аткычтар дивизиясы Москванын алдына которулуп, Москва аскер округунун жетекчилиги алдында бекемделген Волоколамск районуна жайгашат. Бир жумадан соң кайрадан түзүлгөн Батыш фронтунун курамына кирип, Львовдун аймагынан Болычево совхозуна чейин созулган 41 чакырымдык коргонууга турат.Аталган дивизия алган коргонуунун бир эшелондук бөлүгү 1941-жылдын 15-октябрында германиялык аскерлердин Москвага чабуул койгон тилкеси болгон.316-аткычтар дивизиясы 1941-жылдын 16-ноябрында Дубосеководо айыгышкан кармаш жүргүзгөн. Танкаларды талкалоочу аскерлердин курамындагы катардагы жоокер Ананьев бир топко созулуп кеткен согушта 50 танкадан турган душмандын чабуулунун мизин кайтарып, фашисттердин чабуулуна төрт саат туруштук берип жана аны менен катар эле душмандын 18 танкасын, бир нече жүз аскерин жок кылып, каршылашты Москвага киргизбей башка куралдаштары менен кошо кан суудай аккан алааматта курман болгон... Бул эрдик тарыхта 28 панфиловчу жоокердин эрдиги деп аңыз болуп айтылып калды. Ананьев Москва облусунда Волоколамск районундагы Нелидово кыштагындагы Боордоштор мүрзөсүнө коюлган.1942-жылы 21-июлда СССРдин Жогорку Советинин президиумунун жарлыгы менен немецтик баскынчыларга каршы күрөштө согуштук тапшырманы үлгүлүү аткарганы, көрсөткөн баатырдыгы, эрдиги үчүн Николай Ананьев курман болгондон кийин Советтер Союзунун Баатыры наамына татып, Ленин ордени менен сыйланган.Маалымат үчүн. Советтер Союзунун Баатыры, генерал-майор Иван Панфилов жетектеген 316-аткычтар дивизиясынын баатырдыгы дүйнөнү дүңгүрөткөн. Ал 1941-жылы июлда Алматыда (Казакстан) түзүлүп, курамына негизинен Кыргыз ССРи жана Казак ССРинен чакырылган жоокерлер кирген. Бул дивизия Москваны коргоо операциясында өзгөчө эрдик көрсөткөн. 1941-жылдын ноябрында, Москва үчүн чечүүчү салгылашуулар жүрүп жатканда, Панфилов дивизиясы Волоколамск багытында душмандын негизги күчтөрүн кармап турган. Дубосеково разъездиндеги кармашта дивизиянын 1075-аткычтар полкунун 4-ротасы өлүмгө тике туруп, немецтердин танкаларын токтоткон. Бул окуя советтик тарыхта "панфиловчу 28 баатыр " катары белгилүү. Алардын ичинде казак, кыргыз, орус жана башка улуттардын өкүлдөрү болгон.Иван Панфилов 1941-жылдын 18-ноябрында согуш талаасында, Волоколамск аймагында артиллериялык аткылоодо курман болгон. Панфиловдун дивизиясы Москваны коргоодогу эрдиги үчүн 8-гвардиялык аткычтар дивизиясы деген наамга ээ болгон. Бул бөлүк согуш аяктаганга чейин салгылашып, Берлинге чейин жеткен.Тарыхчы Саламат Малабаевдин айтымында, немец генералдары эскерүүлөрүндө панфиловчуларды коркуу сезими жок, туткунга түшкөндөн көрө өлүп калалы деген "жапайы аскер" катары сүрөттөшкөн.
https://sputnik.kg/20250228/sogushtun-baatyrlarynyn-biri-asanbek-otorbayev-1092282475.html
ссср
москва
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, улуу ата мекендик согуш, улуу жеңиш, панфилов дивизиясы, баатыр, эрдик, москва, кыргызстан, николай ананьев
ссср, улуу ата мекендик согуш, улуу жеңиш, панфилов дивизиясы, баатыр, эрдик, москва, кыргызстан, николай ананьев
Николай Ананьев — Кыргызстандан чыккан Советтер Союзунун Баатыры
Улуу Ата Мекендик согуштагы Жеңиштин 80 жылдыгына карата майданда эрдик көрсөтүп, Баатыр наамы ыйгарылган кыргызстандык тууралуу баян.
Кызыл армиячы Николай Ананьев 1912-жылы Ысык-Көлдүн Сазановка (азыр Ананьево — ред.) айылында дүйнөгө келген. Улуту — орус.
1941-жылдын июлунда Ананьев аскерге, Жумушчу-дыйкандардын Кызыл армиясынын катарына чакырылат да, Алма-Атада генерал-майор Иван Панфиловдун жетекчилигинде түзүлгөн 316-аткычтар дивизиясына (316 СД) кирет. 1941-жылдын августунда дивизиянын курамынан Новгороддун алдына, Батыш фронтуна резервдеги 52-армиянын курамына жөнөтүлөт. 27-августта дивизия Боровичиге келип түшүп, сентябрдын сегизинде армиянын экинчи эшелонунан орун алат.
1941-жылдын 6-октябрында 316-аткычтар дивизиясы Москванын алдына которулуп, Москва аскер округунун жетекчилиги алдында бекемделген Волоколамск районуна жайгашат. Бир жумадан соң кайрадан түзүлгөн Батыш фронтунун курамына кирип, Львовдун аймагынан Болычево совхозуна чейин созулган 41 чакырымдык коргонууга турат.
Аталган дивизия алган коргонуунун бир эшелондук бөлүгү 1941-жылдын 15-октябрында германиялык аскерлердин Москвага чабуул койгон тилкеси болгон.
316-аткычтар дивизиясы 1941-жылдын 16-ноябрында Дубосеководо айыгышкан кармаш жүргүзгөн. Танкаларды талкалоочу аскерлердин курамындагы катардагы жоокер Ананьев бир топко созулуп кеткен согушта 50 танкадан турган душмандын чабуулунун мизин кайтарып, фашисттердин чабуулуна төрт саат туруштук берип жана аны менен катар эле душмандын 18 танкасын, бир нече жүз аскерин жок кылып, каршылашты Москвага киргизбей башка куралдаштары менен кошо кан суудай аккан алааматта курман болгон... Бул эрдик тарыхта 28 панфиловчу жоокердин эрдиги деп аңыз болуп айтылып калды. Ананьев Москва облусунда Волоколамск районундагы Нелидово кыштагындагы Боордоштор мүрзөсүнө коюлган.
1942-жылы 21-июлда СССРдин Жогорку Советинин президиумунун жарлыгы менен немецтик баскынчыларга каршы күрөштө согуштук тапшырманы үлгүлүү аткарганы, көрсөткөн баатырдыгы, эрдиги үчүн Николай Ананьев курман болгондон кийин Советтер Союзунун Баатыры наамына татып, Ленин ордени менен сыйланган.
Маалымат үчүн. Советтер Союзунун Баатыры, генерал-майор Иван Панфилов жетектеген 316-аткычтар дивизиясынын баатырдыгы дүйнөнү дүңгүрөткөн. Ал 1941-жылы июлда Алматыда (Казакстан) түзүлүп, курамына негизинен Кыргыз ССРи жана Казак ССРинен чакырылган жоокерлер кирген. Бул дивизия Москваны коргоо операциясында өзгөчө эрдик көрсөткөн. 1941-жылдын ноябрында, Москва үчүн чечүүчү салгылашуулар жүрүп жатканда, Панфилов дивизиясы Волоколамск багытында душмандын негизги күчтөрүн кармап турган. Дубосеково разъездиндеги кармашта дивизиянын 1075-аткычтар полкунун 4-ротасы өлүмгө тике туруп, немецтердин танкаларын токтоткон. Бул окуя советтик тарыхта "панфиловчу 28 баатыр " катары белгилүү. Алардын ичинде казак, кыргыз, орус жана башка улуттардын өкүлдөрү болгон.
Иван Панфилов 1941-жылдын 18-ноябрында согуш талаасында, Волоколамск аймагында артиллериялык аткылоодо курман болгон. Панфиловдун дивизиясы Москваны коргоодогу эрдиги үчүн 8-гвардиялык аткычтар дивизиясы деген наамга ээ болгон. Бул бөлүк согуш аяктаганга чейин салгылашып, Берлинге чейин жеткен.
Тарыхчы
Саламат Малабаевдин айтымында, немец генералдары эскерүүлөрүндө панфиловчуларды коркуу сезими жок, туткунга түшкөндөн көрө өлүп калалы деген "жапайы аскер" катары сүрөттөшкөн.
