Радиостудия Sputnik Кыргызстан в Бишкеке - Sputnik Кыргызстан, 1920
Радио

Малабаев: легендарлуу Панфилов дивизиясынын түзүлгөнүнө 81 жыл болду

© Sputnik / Табылды КадырбековКыргыз мамлекеттик геология, тоо-кен жана жаратылыш ресурстарын иштетүү университетинин коомдук илимдер кафедрасынын ага мугалими, тарых илимдеринин кандидаты Саламат Малабаев
Кыргыз мамлекеттик геология, тоо-кен жана жаратылыш ресурстарын иштетүү университетинин коомдук илимдер кафедрасынын ага мугалими, тарых илимдеринин кандидаты Саламат Малабаев - Sputnik Кыргызстан, 1920, 19.07.2022
Жазылуу
Кыргыз мамлекеттик геология, тоо-кен жана жаратылыш ресурстарын иштетүү университетинин коомдук илимдер кафедрасынын ага мугалими, тарых илимдеринин кандидаты Саламат Малабаев Панфиловдун дивизиясы интернационализмдин лабораториясы болгонун айтты.
Быйыл Советтер Союзунун Баатыры, генерал-майор Иван Панфилов атындагы Кызыл Туу, Ленин, Суворов ордендүү 8-гвардиялык мотоаткычтар, 316-аткычтар дивизиясынын түзүлгөнүнө 81 жыл толду. Бул тууралуу Саламат Малабаев Sputnik Кыргызстан радиосунун эфиринде маек куруп жатып билдирди.
Малабаев: легендарлуу Панфилов дивизиясынын түзүлгөнүнө 81 жыл болду
Анын айтымында, аскердик доктриналарда Панфиловдун согуштук тактикасы азыр дагы колдонулуп келет.
"Улуу Ата Мекендик согушта Москванын алдындагы оор салгылашта эрдик көрсөткөн Панфилов дивизиясынын түзүлгөнүнө 81 жыл болду. Орус тарыхчы-илимпоздору аймакчы, эгерде Иван Васильевич Панфилов болбогондо Москванын тагдыры күмөн эле. Ошол кезде 316-аткычтар дивизиясы Орто Азия аскер округунун командачысынын буйругу менен 1941-жылдын 12-июлунда түзүлгөн. Дивизияны түзүү жана ага колбашчылык кылуу Кыргыз ССРинин аскер комиссары генерал-майор Иван Панфиловго тапшырылган. Бизде Улуу Ата Мекендик согуштун баатыры наамын 70 адам алса, анын жарымы панфиловчулар болгон. Азыркы учурда жаш муундун тарыхты унутуп, тарыхтагы окуялар, ысымдар тууралуу аз билишинин биринчи себеби СССРдин кулашы болду. Өзүнчө мамлекеттер пайда болуп, улуттук тарых жазыла баштады. Панфилов дивизиясынын курамында жалпы 30дай улуттун өкүлдөрү болгону айтылат. Мындайча айтканда, Панфиловдун дивизиясы интернационализмдин лабораториясы болгон. Муну жаштарды бирдиктүү болууга, улуттар аралык ынтымакты чыңдоого өрнөк катары колдонсок болот. Ал эми Батыш тараптагылар Улуу Ата Мекендик согушту тааныбайт, тааныгысы да келбейт. Алардын максаты — илимпоздорго гранттарды жөнөтүп тарыхты бурмалап жаздыруу болуп жатат. Бизде мындай мисалдар бар. Ошондон улам акыркы убактарда легендарлуу 28 панфиловчунун эрдигинен күмөн санагандар да чыгууда. Экинчиден, окуу жайларда тарых сабактарынын сааттары кыскарып кетти. Биз ушинтип отуруп тарыхты жоготуп коюшубуз толук ыктымал", — деди Малабаев.
Ал Иван Панфиловдун эрдиги гана эмес, анын өмүр таржымалы да ар бир адамга сабак экенин айтып, тарыхты окутууну мамлекеттик деңгээлде колго алуу керектигин кошумчалады.
Жаңылыктар түрмөгү
0