Жаңылыктар. Чыгарылыш 09:00

Жаңылыктар. Чыгарылыш 09:00
Жазылуу
№ 5 Ноокат жана № 36 Ысык-Көл бир мандаттуу округдары боюнча Жогорку Кеңештин депутаттарын мөөнөтүнөн мурда шайлоо 30-июнга дайындалды. Тиешелүү жарлыкка президент Садыр Жапаров кол койгонун мамлекет башычынын маалымат кызматы билдирди. Буга байланыштуу Башкы прокуратурага шайлоодо Конституциянын жана мыйзамдардын сакталышын камсыз кылуу, министрлер кабинетине аны өткөрүүгө каражат бөлүү, коопсуздукту камсыздоо жана башка милдеттер тапшырылган. Мөөнөтүнөн мурда шайлоо аталган округдардан депутаттар Жусупбек Коргонбай уулу жана Максатбек Сарыбагышевдин ыйгарым укуктары мөөнөтүнөн мурда токтотулганына байланыштуу өтө турган болууда.
Откөн жылы Кыргызстандагы эки банк киреше алуучу деңгээлге чыга албай калды, учурда алардын бирөө иштеп жатат. Бул тууралуу Улуттук статистика комитетинин маалыматында айтылат. Өлкөдө жалпысынан 23 банк иш жүргүзүүдө. Алардын 22синин жалпы кирешеси 2023-жылы 26 миллиард 328 миллион сомго жеткен. Учурда иштеп жаткан бир банк былтыр 22,6 миллион долларга артка кеткен. Мындан тышкары, төрт банктын лицензиясы артка кайтарылып же жок кылуу стадиясында турат. Алардын үчөө киреше тапса, бирөө жоготууга учураган. Бирок жогоруда аталган сандар Улуттук банктын маалыматынан бир аз айырмаланат. Башкы банк Кыргызстандагы банктар өткөн жылы 24 миллиард 237 миллион сом таза киреше тапканын айткан. Айырма эсептөө түрдүү системалар аркылуу жүргүзүлгөнүнө байланыштуу болушу мүмкүн. Мисалы, Улуттук банк адатта киреше салыгын жана мүмкүн боло турган жоготууларды алып салгандан кийин маалымат берет.
Улуттук банк "Тарыхый окуялар" сериясындагы "Евразия экономикалык бирлигине – 10 жыл" күмүш коллекциялык монетасын жүгүртүүгө чыгарды. Бул тууралуу мекемеден билдиришти.Маалыматка ылайык, аталган монета Кыргызстанда расмий төлөм каражаты статусуна ээ."Коллекциялык монетанын алдыңкы бетинде ЕАЭБдин расмий эмблемасы, эмблеманы тегерете ЕАЭБге мүчө мамлекеттердин желектери, ошондой эле өнүгүү динамикасын билдирген элементтер чагылдырылган. Монетанын сол жагында ЕАЭБдин юбилейлик датасы — "10 жыл" деген жазуу бар", — деп жазылган маалыматта.Ошондой эле ар бир коллекциялык монета акрил капсулага салынып, сапатын тастыктаган сертификат менен бирге өзүнчө кутучада экени айтылды.Коллекциялык монеталар Улуттук банктын мекемелеринин кассасында 5 780 сомго иш күндөрү саат 9:00дөн 14:00гө чейин, ошондой эле нумизматикалык баалуулуктарды сатуу боюнча www.numizmat.nbkr.kg веб-сайты аркылуу сатылары кошумчаланган.
TikTok социалдык тармагы Евробиримдиктин алкагында чектөөгө алынышы мүмкүн. Бул туурасында Еврокомиссиянын башчысы Урсула фон дер Ляйендин айтканын РИА Новости Politico басылмасына таянып билдирди.Фон дер Ляйен Еврокомиссия кызматкерлеринин иш телефондоруна TikTok орнотууга тыюу салган дүйнөдөгү биринчи уюм болуп калганын айтты. Өткөн аптада Европа комиссиясы тарабынан кезектеги эскертүү болгондон кийин TikTok колдонуучулардын акча табуу программасын токтоткон.Буга чейин Европ
Жаңылыктар түрмөгү
0