On air

On air
Жазылуу
Кыргызстан Казакстандагы селден жабыркагандарга гуманитардык жардамдын экинчи партиясын жөнөттү. Бул тууралуу ӨКМдин маалымат кызматы кабарлады. Билдирмеге караганда, бул ирет гумжардам жарандар тарабынан чогултулуп, Кыргызстандын президентинин резервдик фондунан да акча бөлүнгөн. "Жүктүн 150 тоннасы биокефир, сыр, кургак сүт, каймак сыяктуу Кыргызстанда өндүрүлгөн сүт азыктары. Аны жеткирүү тапшырмасы ӨКМге жүктөлдү", — деп жазылат маалыматта. Кыргызстан коңшу мамлекетте селден жабыркагандарга гуманитардык жардамдын биринчи партиясын 6-апрелде жөнөткөн. Анда 15 фура 300 тонна жүк жеткирген. Эске салсак, суу Казакстандын жети облусун каптап, миңдеген жарандар үйүн таштап башка жакка көчүрүлүүдө.
Бишкектин батыш тарабында 5 күн газ болбойт. Бул тууралуу «Бишкекгаз» газ кызматы кабарлайт. Маалыматка ылайык, Бакаев көчөсүндө жол оңдоо иштерине байланыштуу 15-апрелден 19-апрелге чейин төмөнкү көчөлөр менен чектелген аймакта жаратылыш газы убактылуу өчүрүлөт: Васильевский тракт, Фучик көчөсү, Профсоюзная көчөсү, Ден Сяопина көчөсү, Патрис Лумумба көчөсү, Лев Толстой көчөсү, Матыев көчөсү, Ала-Арча дарыясы. «Бишкекгаз» газ кызматы түзүлгөн ыңгайсыздыктар үчүн кечирим сурайт жана абоненттерди жаратылыш газы өчүрүлгөн мезгилде энергиянын алтернативдүү булактарын колдонууну сунуштайт.
Кыргызстандын Айыл чарба министрлиги аймактарда айыл чарба өсүмдүктөрүн өстүрүү боюнча сунуштарды иштеп чыкканын министрликтин маалымат кызматы билдирди. Нарын облусуна өнөр жайда колдонуулуучу кара куурай айдаса болору белгиленди. Ошондой эле бул аймактын дыйкандарына алма, алмурут, өрүк, карагат, кулпунай жана чычырканактын тикенексиз сортторун өстүрүү сунушталат. Ал эми жапайы кара куурай жакшы өскөн Ысык-Көлгө Айыл чарба министрлиги мөмө-жемиш бактарын, карагат, малина, кулпунай отургузууну сунуштоодо. Өнөр жай кара куурайы фармацевтикада, текстиль жана эмерек өнөр жайларында, космостук кемелер жана учактар үчүн көмүртек буласын өндүрүүдө, тамак-аш азыктарын жана табигый косметиканы жасоодо колдонулат.
12 жылдык окуу системасынын биринчи жылында электрондук китептер пайдаланылат. Мындай маалыматты Профессор Айдаркан Молдокулов атындагы инновациялык мектеп-лицейинин директорунун милдетин аткаруучу Жайнак Ибрагимов Спутник. Кыргызстан радиосуна билдирди. Анын айтымында китептерди даярдоодо Сингапурда окутулган "Стем" багытындагы 47 предметтик китептерди сатып алып которуп, биздин улуттук баалуулуктарга ылайыктуу түшүнүктөр киргизип адаптацияланат."Мындан сырткары, "Кыргыз тили", "Тарых", "Орус тили" деген сыяктуу 83 китеп бар. Алар боюнча атайын жумушчу топ түзүлүп, "Стем" багытына туура келе тургандай китеп, контенттерди иштеп чыгышат. Китеп маселесин чечүү да этаптарга бөлүнөт. Алгач анын электрондук варианттары түзүлүп, ишке кирет. Электрондук китептер жөнөкөй PDF-формат эмес, кадимкидей динамикалуу иштеген китептер болот. Кийинки окуу жылында кагаз варианты басылып чыгат", — деди Ибрагимов.Ал ата-энелерди мындан ары д
Жаңылыктар түрмөгү
0