https://sputnik.kg/20240212/raktyn-pajda-boluu-tobokeldigin-aldyn-aluu-1082627185.html
Онколог рактын пайда болуу тобокелдигин алдын алуу жолдорун айтып берди
Онколог рактын пайда болуу тобокелдигин алдын алуу жолдорун айтып берди
Sputnik Кыргызстан
Дарыгердин айтымында, статистика боюнча, онкологиялык оорулар барган сайын жаштардан көбүрөөк аныкталууда. 12.02.2024, Sputnik Кыргызстан
2024-02-12T09:24+0600
2024-02-12T09:24+0600
2024-02-20T13:01+0600
ден соолук
рак
оору
алдын алуу
тобокелдик
уйку
туура тамактануу
https://sputnik.kg/img/07e5/07/1e/1053377616_0:172:2572:1619_1920x0_80_0_0_691cc2c259b6ed2437f8e2ae53608719.jpg
БИШКЕК, 12-фев. — Sputnik. Рактын пайда болуу тобокелдигин алдын алуу, илдетти өтүштүрүп жибербөө жолдору менен онколог Хамис Магомедова Sputnik радосуна маек куруп жатып бөлүштү. Анын айтымында, статистика боюнча, онкологиялык оорулар барган сайын жаштардан көбүрөөк аныкталууда. Дарыгер бул биринчи кезекте туура эмес тамактануу, терс адаттар жана тиричиликте ден соолукка зыян химиялык заттардын пайдаланылышына байланыштуу экенин белгиледи.Дарыгердин айтымында, тобокелчиликтерди азайтуу үчүн жашоо образын өзгөртүү керек."Тамак-ашты болушунча "тазалоо" зарыл. Колдон келишинче сапаттуу азыктарды, экологиялык жактан таза жашылча-жемиш, этти жегенге аракет кылуу керек. Рациондон фастфудду алып салуу кажет, такыр эле болбой жатса жок дегенде тамактын 80 пайызы нак азык болушу кажет. Экологиялык таза тиричилик химиясын колдонгон оң. Уйкунун мааниси абдан чоң, анткени уйкунун гормону деп эсептелген мелатонин кечки саат 10дон баштап түнкү саат 1-2ге чейин гана бөлүнүп чыгат. Бул убакта сөзсүз уктоо керек, анткени адамдын өзүнөн чыккан мелатонин да рактан жакшы коргойт", — деди онколог.Адис заманбап шарттар ооруну алгачкы стадияларында аныктоого мүмкүндүк берерин, бул учурда илдетти дарылоо алда канча жеңил экенин белгилеп, текшерүүгө үч жылда бир эмес, андан көбүрөөк барууну сунуштады.
https://sputnik.kg/20240207/kyrgyzstan-rak-borbor-aziyada-birinchi-orunda-turat-1082498258.html
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
ден соолук, рак, оору, алдын алуу, тобокелдик, уйку, туура тамактануу
ден соолук, рак, оору, алдын алуу, тобокелдик, уйку, туура тамактануу
Онколог рактын пайда болуу тобокелдигин алдын алуу жолдорун айтып берди
09:24 12.02.2024 (Жаңыртылды: 13:01 20.02.2024) Дарыгердин айтымында, статистика боюнча, онкологиялык оорулар барган сайын жаштардан көбүрөөк аныкталууда.
БИШКЕК, 12-фев. — Sputnik. Рактын пайда болуу тобокелдигин алдын алуу, илдетти өтүштүрүп жибербөө жолдору менен онколог Хамис Магомедова
Sputnik радосуна маек куруп жатып бөлүштү.
Анын айтымында, статистика боюнча, онкологиялык оорулар барган сайын жаштардан көбүрөөк аныкталууда. Дарыгер бул биринчи кезекте туура эмес тамактануу, терс адаттар жана тиричиликте ден соолукка зыян химиялык заттардын пайдаланылышына байланыштуу экенин белгиледи.
"Көп учурда рак адамдын тиричилигине байланыштуу келип чыгат. Буга терс адаттар, кишинин жашаган жери, кандай химиялык заттарды колдонору да кирет. Мисалы, үйдү басып кеткен көк канцерогендик токсинди бөлүп чыгарат. Вейптердеги суюктук бөлүп чыгарган татаал металлдар да канцерогендик болуп саналат. Туура эмес тамактануу да онкологиялык ооруларды шартоочу фактор, белоктун, майдын жана пайдалуу углеводдун жетишсиздиги да кийин ракты пайда болтуруучу себеп боло алат", — деди Магомедова.
Дарыгердин айтымында, тобокелчиликтерди азайтуу үчүн жашоо образын өзгөртүү керек.
"Тамак-ашты болушунча "тазалоо" зарыл. Колдон келишинче сапаттуу азыктарды, экологиялык жактан таза жашылча-жемиш, этти жегенге аракет кылуу керек. Рациондон фастфудду алып салуу кажет, такыр эле болбой жатса жок дегенде тамактын 80 пайызы нак азык болушу кажет. Экологиялык таза тиричилик химиясын колдонгон оң. Уйкунун мааниси абдан чоң, анткени уйкунун гормону деп эсептелген мелатонин кечки саат 10дон баштап түнкү саат 1-2ге чейин гана бөлүнүп чыгат. Бул убакта сөзсүз уктоо керек, анткени адамдын өзүнөн чыккан мелатонин да рактан жакшы коргойт", — деди онколог.
Адис заманбап шарттар ооруну алгачкы стадияларында аныктоого мүмкүндүк берерин, бул учурда илдетти дарылоо алда канча жеңил экенин белгилеп, текшерүүгө үч жылда бир эмес, андан көбүрөөк барууну сунуштады.
"Өнөкөт оорусу барлар, жакындары онкологиялык оору менен жабыркагандар бир жылда 2-3 жолу текшерүүдөн өтүп турганы жакшы. Кандайдыр бир түшүнүксүз симптомдор пайда болуп, адам өзүн начар сезип жатса, чарчаңкы тартып алы кетсе кол шилтеп жүрө бербей дарыгерге кайрылуу зарыл", — деди Магомедова.
