Кыргызстанда тигүү тармагынын сапаты аксай баштаганы боюнча коңгуроо кагылууда
© Sputnik / Асел Акмат
Жазылуу
"Азиар фэшн" ЖЧКсынын башкы директору Зарылык Иманкулов жеңил өнөр жай тармагы сапаты жагынан начарлай баштаганын айтты.
Кыргыз жеңил өнөр жайы сапатын жоготуп бара жатат. Бул ЕАЭБдин брендине айланууга, деги эле экспортко чоңзалакасын тийгизет. Мындай пикирин Зарылык Иманкулов Sputnik Кыргызстан радиосуна маек куруп жатып билдирди.
Кыргызстанда тигүү тармагынын сапаты аксай баштаганы боюнча коңгуроо кагылууда
Анын айтымында, тикмечилик тармагында сапаттын аксагандыгынан Россиядан келчү чоңкөлөмдөгү буюртмалар баштарта баштады.
"Учурда кыргыз жеңил өнөр жайында чоң көйгөй бар. Бул үйдөн иштеп, үйдөн тиккен тикмечилердин көбөйгөнүнөн болууда. Сыртынан караганда эл иш менен камсыз болуп жаткандай көрүнөт. Бирок мындай учурда технология сакталбай, сапат аксап жатат. Бул келип эле кыргыз жеңил өнөр жайынын 20 жылдан берки топтогон кадыр-баркына шек келтирүүдө. Соңку эки жылдан бери чоң көлөмдө буюртма берип жүргөн ишкерлер сапаттын начарлап кеткенин айтып баш тарта башташты. Учурда квалификациялуу адистердин жетишсиздиги бирмаселе болсо, үйрөнүп алган шыктуу тикмечилердин даүйдө отуруп алып тиккенге ынтызарлыгы бутуна туруп келе жаткан бул тармакты кыйроого алып бара жатат. Кыргызстанда эмгекке жарамдуу калктын саны болгону 2 миллионду түзөт, анын баары тикмечи болуп кете албайт. Андыктан бизЕАЭБди же дүйнөнү сан менен багындырганга эмес, сапат менен өз ордубузду тапканга далалаттанышыбыз керек. ЕАЭБ өлкөлөрүнүн жашоочуларына ыңгайлуу, модалуу жана сапаттуу кийимдерди сунуштоо менен гана бул биримдикте брендге айлана алабыз. Тилекке каршы, азыр Кыргызстанда жасалган деген бренддин сапаты начарлап кеткени сыртта да айтыла баштады. Бул аталган тармак үчүн чоң сокку", — деди Иманкулов.
Ал мамлекет тикмечилерге багытталган ипотекалык программаларды жана квалификациялуу жеңил өнөр жай адистерин даярдоону күчөтүүгө чукул арада көңүл буруу зарылдыгын кошумчалады.
