Калыбеков: өлкөдө жазуучулукка даярдаган да окуу жайлар бар
"Мен Маданият министрлигине эки жылдык болсо да адабий курс ачууну сунуштаганымда алар өлкөдө эки университет бул багытта адистерди даярдаарын айтышты. Бүбүсара Бейшеналиева атындагы Маданият жана искусство университети көрсө абалтадан эле адабий чыгармачылык деген багыт боюнча студенттерди кабыл алып, окутуп келет экен. Учурда биздин союздун 3-4 мүчөсү жаш курактарына карабай окуп жатышат. Мындан сырткары, Жусуп Баласагын атындагы Улуттук университети дагы адабий ишмердүүлүк деген бөлүмүн ачып, 25тен студент кабыл алып окутуп баштады. Алар быйыл 2-курска келишти, 3-курстан тарта тажрыйбалуу акын, жазуучулар да сабак өтүп, ушул багытка басым коюларын белгилеп келишет. Кызыгы, болгону 25 орун болсо эки жыл катары менен толуп, бир орунга 2-3төн абитуриент тапшырып жатыптыр. Албетте, калемгер болууга талант керек, бирок багыттоочу билимсиз күчтүү жазуучу же акын болуп кетиш кыйынга турат", — деди Калыбеков.
