https://sputnik.kg/20231006/ukrainanyn-amerikalyk-kyyaly-1079178770.html

Украинанын "америкалык кыялы": эки айга жетерлик гана каражат бар

Украинанын "америкалык кыялы": эки айга жетерлик гана каражат бар

Sputnik Кыргызстан

Кандай гана армия болбосун "булчуңду" акча чыңдайт. Россиялык атайын аскердик операция зонасындагы украиналык аскерлер АКШнын аскер-каржылык колдоосунун... 06.10.2023, Sputnik Кыргызстан

2023-10-06T14:54+0600

2023-10-06T14:54+0600

2024-12-25T10:48+0600

россиянын донбассты коргоо боюнча атайын операциясы

дүйнөдө

россия

украина

акш

батыш

каражат

атайын операция

курал-жарак

колдоо

https://sputnik.kg/img/07e6/06/19/1065577640_182:0:2653:1390_1920x0_80_0_0_23c5129970230bd4a6a16ed90dd86d77.jpg

Себеби Украина үчүн каралган америкалык акча түгөнөйүн деп калганын белгилейт аскерий баяндамачы Александр Хроленко. Бул сапар автор Батыштын Украинага каржылык колдоосуна баам салган. Вашингтондун планы боюнча мындан ары НАТОнун Россия менен прокси-согушунун жүгүн европалык союздаштары көтөрүүгө тийиш. Анткен менен алардын бөлөктөргө көмөк көрсөткөнгө дарманы жок. "Украиналык долбоор" болду-болбоду афган сценарийи боюнча кыйрайт окшоп калды.АКШнын Ак үй администрациясы 3-октябрда киевдик режимди толук масштабдуу каржылык жана аскердик колдоо үчүн эки айга жетерлик гана каражаты турат. Болжол менен декабрдын башында түгөнүшү мүмкүн. Пентагон мурдагы күнү союздаштарына колдоо каражаты тартыш экенин эскертти. Болгону 5,4 млрд. доллар калган, ал эми АКШ Конгресси Украинага кошумча акча бөлүүнү колдогон жок. Буга дейре Америка Россия менен прокси-согушка 113 млрд. доллар сарптаган.АКШ президенти Жо Байден көзөмөлүндөгү мамлекеттердин лидерлерине телефон аркылуу Украина Куралдуу күчтөрүн каржылоонун тийиштүү параметрлери жөнүндө көрсөтмө берген. Сап башында Улуу Британия, ФРГ, Франция, Польша, Румыния, Япония бар.Европа өлкөлөрү өз коопсуздугуна зыян келтирбестен Киевди курал менен жабдый албайт. Европа биримдиги Украина Куралдуу күчтөрүн колдоого жетишерлик өндүрүштүк кубаттуулугун күчөтө алышкан жок. Британия да аскердик жабдуунун жетер чегине жетип калды, Украинада өз эски куралдарынын акыркыларын жок кылууда. Маселен, 1962-жылы чыккан FV432 Bulldog бронетранспортерлор. Латвия Россияга каршы NAMEJS 2023 аскердик машыгууларын өткөрсө, Эстония коргоо өнөр жай кубаттуулугун "согуштук кырдаал масштабында" арттырууга ниеткер. Литванын ТИМ башчысы Габриелюс Ландсбергис НАТОну Украинаны "өзөктүк калкалоого" алууга чакырды. Адатта аскердик парадда майда барабанчылардын добушу катуу чыгат эмеспи.Киевдик режим аргасыз абалда. Батыштан алган "инвестицияларды" актоого акыркы күчүн жумшоодо. "Украинага берилген жардамдын" көп бөлүгү АКШнын кызыкчылыгына жана анын территориясында эле сарпталат. Европада Россия менен прокси-согуш америкалык аскер-өнөр жай комплекси үчүн пайдалуу. Кандай болсо да Пентагон согуштук аракеттер башталган 20 айдан бери Украина Куралдуу күчтөрүнө 2 миллион артиллериялык дүрмөт берген, ал эми ушундай эле өлчөмдө кайрадан өндүрүүгө узак жылдар зарыл.Украиналык согуштук аракеттер театрында ок-дары ушундай тездик менен түгөнүп, арсенал заматта бошой түштү.АКШ менен альянс же киевдик режимге аскердик колдоо көрсөтө албай, же өзөктүк эмес курал жаатында аргасыздыгына моюн суна албай турган чактары. Анан Украина Куралдуу күчтөрүнүн донор өлкөлөрүнүн ортосундагы ажырымды Вашингтондогу саясий пикир келишпестиктер жана Европадагы шайлоолордун согушка каршы акценти (Польша – ноябрь, Испания – декабрь) да курчутууда. Россияга каршы "биримдикке" Венгрия, Сербия, Словакия да доо кетирүүдө. Будапешт 2024-2027-жылдары Украинага европалык жардам топтомун эки эсеге – 25 млрд. еврого кыскартууну сунуштады. АКШ менен Европа лидерлеринин ортосундагы ажырым да айдан ачык.Европалык дипломатия башчысы Жозеп Боррель 3-октябрда Киевде өткөргөн 27 донор өлкөнүн өкүлдөрүнүн кезексиз кезигүүсү дээрлик майнапсыз. The American Conservative: "Москванын стратегиялык максаты – Украинаны АКШ менен НАТО өлкөлөрүнүн Россияга каршы аскердик күчү чагыла турган аянтчага айланышына жол бербөө", – деп белгилеген.Кошмо Штаттар менен НАТО 2022-жылы украиналык согуштук аракеттер театрына Россияны "стратегиялык кыйратуу" үчүн болгон ресурстарын салган. Бүгүнкү күндө түгөнүп бараткан "демократия арсеналы" жана саясий бөлүнүү жамааттык Батыштын пландары кыйраганын айгинелеп турат. Россия койгон талаптарга төп келген жаңы дүйнө курулар күн алыс эмес.Аскерий баяндамачы Александр Хроленконун Telegram каналына жазылыңыздар.

https://sputnik.kg/20231003/akshnyn-biyligi-ukrainany-uzakka-koldoogo-akcha-zhoktugun-aytyshty-1079103242.html

https://sputnik.kg/20231005/rossiya-ukrainadagy-atajyn-operaciyanyn-maksattaryna-zhetet-1079171418.html

украина

акш

батыш

2023

Жаңылыктар

kg_KG

дүйнөдө, россия, украина, акш, батыш, каражат, атайын операция, курал-жарак, колдоо, колумнисттер