https://sputnik.kg/20230926/ata-enesin-tashtap-ketkender-mamkyzmatka-alboo-sunush-1078918990.html
Ата-энесин таштап кеткендерди мамкызматка албай, алиментти көбөйтүү сунушталды
Ата-энесин таштап кеткендерди мамкызматка албай, алиментти көбөйтүү сунушталды
Sputnik Кыргызстан
Эгер мыйзам кабыл алынса ата-энелерин алып келери менен эле карылар үйүнүн жетекчиси дароо арыз жазып, сот баласынан алимент өндүрүүнү карайт. 26.09.2023, Sputnik Кыргызстан
2023-09-26T11:59+0600
2023-09-26T11:59+0600
2023-09-26T13:14+0600
кыргызстан
тазабек икрамов
карылар үйү
алимент
айып пул
ата-эне
кароо
https://sputnik.kg/img/101885/34/1018853497_367:529:2988:2003_1920x0_80_0_0_ba88801681cb9449c48b9ceaea7cd9c9.jpg
БИШКЕК, 26-сен. — Sputnik. Жогорку Кеңештин депутаты Тазабек Икрамов ата-энесин карылар үйүнө таштап кеткендердин мамлекеттик жана муниципалдык кызматтарда иштешине тыюу салуу мыйзам долбоорун сунуштады.Аталган документ бүгүн Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти комитетинде каралып, биринчи окуудан өттү.Ошону менен бирге эле улгайган ата-энесин бакпаганы үчүн алимент төлөөдөн качкандарга салынчу айып пулдун көлөмүн көбөйтүүнү демилгелеген. Учурда айыптын суммасы 20-50 миң сом болсо, депутат 50 миңден 100 миң сомго чейин жогорулатууга белсенүүдө. Болбосо бир жылдан эки жылга чейинки мөөнөткө эркиндигинен ажыратуу каралган. Азыркы тапта 40тан 100 саатка чейинки коомдук иштерге же эки айдан бир жылга чейинки мөөнөткө түзөтүү жумуштарына жазаланат.Эл өкүлү ата-энесин балдары таштап кеткен учурлар көбөйүп, кадыресе көрүнүшкө айланып баратканына тынчсыздануусун билдирди."Карылык сөзсүз ар адамдын башына келет. Баарыбыз эле балдарынын, неберелеринин, чөбөрөлөрүнүн курчоосунда карылыгын өткөрүүнү кыялдансак керек. Ата-энелер бүт өмүрүн балдарга арнап, тарбиялап өстүргөн соң карылар үйүнө калтырып жатканы өкүндүрбөй койбойт. Статистика көрсөткөндөй, жыл сайын карылар үчүн социалдык мекемелерде ар кандай себептер менен келген улгайган адамдардын саны өсүүдө. Балдары ата-энесин карылар үйүнө таштап кеткени абдан өкүндүрөт", — деди депутат.Ошондой эле Икрамов өлкө боюнча алты карылар үйү бар экенин, ал эми борбор калаада 211 улгайган адам жашай турганын айтты.
https://sputnik.kg/20230922/mektep-akcha-chogultuu-ayyp-pul-saluu-1078812367.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, тазабек икрамов, карылар үйү, алимент, айып пул, ата-эне, кароо
кыргызстан, тазабек икрамов, карылар үйү, алимент, айып пул, ата-эне, кароо
Ата-энесин таштап кеткендерди мамкызматка албай, алиментти көбөйтүү сунушталды
11:59 26.09.2023 (Жаңыртылды: 13:14 26.09.2023) Эгер мыйзам кабыл алынса ата-энелерин алып келери менен эле карылар үйүнүн жетекчиси дароо арыз жазып, сот баласынан алимент өндүрүүнү карайт.
БИШКЕК, 26-сен. — Sputnik. Жогорку Кеңештин депутаты Тазабек Икрамов ата-энесин карылар үйүнө таштап кеткендердин мамлекеттик жана муниципалдык кызматтарда иштешине тыюу салуу мыйзам долбоорун
сунуштады.
Аталган документ бүгүн Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти комитетинде каралып, биринчи окуудан өттү.
Ошону менен бирге эле улгайган ата-энесин бакпаганы үчүн алимент төлөөдөн качкандарга салынчу айып пулдун көлөмүн көбөйтүүнү демилгелеген. Учурда айыптын суммасы 20-50 миң сом болсо, депутат 50 миңден 100 миң сомго чейин жогорулатууга белсенүүдө. Болбосо бир жылдан эки жылга чейинки мөөнөткө эркиндигинен ажыратуу каралган. Азыркы тапта 40тан 100 саатка чейинки коомдук иштерге же эки айдан бир жылга чейинки мөөнөткө түзөтүү жумуштарына жазаланат.
"Мыйзам долбоорунун максаты — ата-энесин багуудан качкан бойго жеткен балдардын жазасын күчөтүү жана алардын мамлекеттик кызматта болуусун чектөө. Учурда эмгекке жарамсыз улгайган жарандарды таштап кеткен балдарын жазага тартуу үчүн соттун чечими керек. Бирок ата-энелер өзүнүн баласына эч качан арыз жазбайт экен. Эгер бул мыйзам кабыл алынып калса ата-апаларын алып келери менен эле карылар үйүнүн жетекчиси дароо арыз жазып, сот алимент өндүрүүнү карайт", — деди Икрамов.
Эл өкүлү ата-энесин балдары таштап кеткен учурлар көбөйүп, кадыресе көрүнүшкө айланып баратканына тынчсыздануусун билдирди.
"Карылык сөзсүз ар адамдын башына келет. Баарыбыз эле балдарынын, неберелеринин, чөбөрөлөрүнүн курчоосунда карылыгын өткөрүүнү кыялдансак керек. Ата-энелер бүт өмүрүн балдарга арнап, тарбиялап өстүргөн соң карылар үйүнө калтырып жатканы өкүндүрбөй койбойт. Статистика көрсөткөндөй, жыл сайын карылар үчүн социалдык мекемелерде ар кандай себептер менен келген улгайган адамдардын саны өсүүдө. Балдары ата-энесин карылар үйүнө таштап кеткени абдан өкүндүрөт", — деди депутат.
Ошондой эле Икрамов өлкө боюнча алты карылар үйү бар экенин, ал эми борбор калаада 211 улгайган адам жашай турганын айтты.
