https://sputnik.kg/20230826/bakirovdu-deputattyk-mandatynan-azhyratty-1078111373.html
БШК Өмүрбек Бакировду депутаттык мандатынан ажыратты
БШК Өмүрбек Бакировду депутаттык мандатынан ажыратты
Sputnik Кыргызстан
Үч инстанция тең шайлоонун жыйынтыгын жокко чыгарган. 26.08.2023, Sputnik Кыргызстан
2023-08-26T17:23+0600
2023-08-26T17:23+0600
2023-08-26T18:52+0600
кыргызстан
жогорку кеңеш
өмүрбек бакиров
депутат
мандат
бшк
чечим
https://sputnik.kg/img/07e7/08/1a/1078115042_0:0:2638:1484_1920x0_80_0_0_12d26db4c3e7939164783aa329fe95ce.jpg
БИШКЕК, 26-авг. — Sputnik. Борбордук шайлоо комиссиясы Өмүрбек Бакировду депутаттык мандаттан ажыратты.БШК мүчөлөрү бир добуштан Бакировду каттоо боюнча токтомду жокко чыгарып, депутаттык күбөлүгүн жараксыз деп табышкан. Буга соттордун чечими негиз болуп берди.Комиссиянын төрайымы Нуржан Шайлдабекова шайлоонун жыйынтыгынын жокко чыкканы тууралуу чечим кабыл алуу үчүн тиешелүү органдарга сурам жөнөтүлгөнүн кабарлады. Анын айтымында, БШКда азырынча бул процедура үчүн материалдар жетишсиз.Былтыркы жылдын ноябрында Бакировдун штабынын жетекчисине добуш сатып алган деп кине коюлган. БШК ишти карап, мындай аракет болгон эмес деген чечим чыгарган. Бакиров ошондон кийин депутат болгон болчу.Бакировдун Ош облусундагы Көк-Жар округу боюнча атаандашы Равшан Рыспаев добуш сатып алуу болгон деген жүйө менен өткөн жылдын аягында Бишкектин административдик сотуна кайрылган. Соттук териштирүү ошондон бери жүрүп келет. 7-июнда аталган сот Бакировду депутаттык мандаттан ажыратуу чечимин кабыл алып, кийин Бишкек шаардык соту да, Жогорку сот да бул чечимди күчүндө калтырган.Эскерте кетсек, 2022-жылдын 17-ноябрында парламент жыйынында Бакиров УКМК төрагасы Камчыбек Ташиев менен кайым айтыша кеткен. Депутат Фархат Исмаилов Ташиевге болушуп, эки эл өкүлү мушташа кете жаздаган. Ташиев Бакировдун "кандай депутат экенин жана кандайча шайланып келгенин" билерин айткан.Ушундан кийин ЖКнын чарбалык иштерин караган президенттин иш башкармалыгы аны кабинетинен чыгарып салган. Депутаттар мыйзам боюнча парламентарийлердин турак жай, иш бөлмөсү, автоунаалары жана документтери текшерүүгө жатпай турганын айтып, башкармалыктын жетекчисинин орун басары Элмира Усенованы кызматтан бошотууну сунушташкан. Ага катар Бакиров Башкы прокуратурага арыз жазган болчу. Териштирүүнүн жыйынтыгы ачыкталган эмес.
https://sputnik.kg/20230821/lenin-shayloo-okrugu-25-talapker-1077973641.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, жогорку кеңеш, өмүрбек бакиров, депутат, мандат, бшк, чечим
кыргызстан, жогорку кеңеш, өмүрбек бакиров, депутат, мандат, бшк, чечим
БШК Өмүрбек Бакировду депутаттык мандатынан ажыратты
17:23 26.08.2023 (Жаңыртылды: 18:52 26.08.2023) Үч инстанция тең шайлоонун жыйынтыгын жокко чыгарган.
БИШКЕК, 26-авг. — Sputnik. Борбордук шайлоо комиссиясы
Өмүрбек Бакировду депутаттык мандаттан ажыратты.
БШК мүчөлөрү бир добуштан Бакировду каттоо боюнча токтомду жокко чыгарып, депутаттык күбөлүгүн жараксыз деп табышкан. Буга соттордун чечими негиз болуп берди.
Комиссиянын төрайымы Нуржан Шайлдабекова шайлоонун жыйынтыгынын жокко чыкканы тууралуу чечим кабыл алуу үчүн тиешелүү органдарга сурам жөнөтүлгөнүн кабарлады. Анын айтымында, БШКда азырынча бул процедура үчүн материалдар жетишсиз.
Былтыркы жылдын ноябрында Бакировдун штабынын жетекчисине добуш сатып алган деп кине коюлган. БШК ишти карап, мындай аракет болгон эмес деген чечим чыгарган. Бакиров ошондон кийин депутат болгон болчу.
Бакировдун Ош облусундагы Көк-Жар округу боюнча атаандашы Равшан Рыспаев добуш сатып алуу болгон деген жүйө менен өткөн жылдын аягында Бишкектин административдик сотуна кайрылган. Соттук териштирүү ошондон бери жүрүп келет. 7-июнда аталган сот Бакировду депутаттык мандаттан ажыратуу чечимин кабыл алып, кийин Бишкек шаардык соту да, Жогорку сот да бул чечимди күчүндө калтырган.
Эскерте кетсек, 2022-жылдын 17-ноябрында парламент жыйынында Бакиров УКМК төрагасы Камчыбек Ташиев менен
кайым айтыша кеткен. Депутат Фархат Исмаилов Ташиевге болушуп, эки эл өкүлү мушташа кете жаздаган. Ташиев Бакировдун "кандай депутат экенин жана кандайча шайланып келгенин" билерин айткан.
Ушундан кийин ЖКнын чарбалык иштерин караган президенттин иш башкармалыгы аны кабинетинен чыгарып салган. Депутаттар мыйзам боюнча парламентарийлердин турак жай, иш бөлмөсү, автоунаалары жана документтери текшерүүгө жатпай турганын айтып, башкармалыктын жетекчисинин орун басары Элмира Усенованы кызматтан бошотууну сунушташкан. Ага катар Бакиров Башкы прокуратурага арыз жазган болчу. Териштирүүнүн жыйынтыгы ачыкталган эмес.
