Ленин районундагы шайлоо: добуш сатып алуу боюнча экинчи иш козголду

© Фото / пресс-служба ГКНБЛенин районундагы шайлоо: добуш сатып алуу боюнча экинчи иш козголду
Ленин районундагы шайлоо: добуш сатып алуу боюнча экинчи иш козголду - Sputnik Кыргызстан, 1920, 01.06.2023
Жазылуу
Бул ирет чатак талапкер Улан Сариевге байланыштуу. Учурда ал Бишкек шаардык кеңешинин депутаты.
БИШКЕК, 1-июн. — Sputnik. ЖК депутаттыгына Бишкек шаарынын Ленин райондук шайлоо округунан аттанган дагы бир талапкердин добуш сатып алуусу боюнча фактылар чыкканы айтылып, кылмыш иши козголду.
Бул ирет чатак талапкер Улан Сариевге байланыштуу экени айылды. Сариев шайлоонун алдын ала жыйынтыгында көп добуш алган талапкер катарында Дамир Ниязалиевадан кийинки орунда келе жаткан.
Кылмыш ишин тергөөнүн жүрүшүндө бир катар тергөө жана сот тарабынан санкцияланган атайын тергөө иш-чаралары жүргүзүлгөн.
"№26 Ленин бир мандаттуу шайлоо округу боюнча ЖК депутаттыгына талапкер "С.У.А." жана анын айланасындагылар үгүт мезгилинде шайлоочуларды сатып алуу аракети, шайлоо фондуна кирбеген финансылык каражаттарды пайдалануу, административдик ресурсту кыянаттык менен пайдалануу жана шайлоочуларды ташуу түрүндөгү төгүндөлгүс далилдер алынды", — деп айтылат таратылган маалыматта.
Иштин шайлоо мыйзамдарын бузууга, №26 Ленин бир мандаттуу шайлоо округу боюнча ЖК депутаттыгына талапкерлердин добуштарды сатып алуу фактыларына бөгөт коюуга багытталган ыкчам-издөө иш-чараларынын натыйжасында Кылмыш кодексинин 196-беренесинин 2-бөлүмү ("Шайлоочулардын добуштарын сатып алуу") боюнча каралган кылмыштын негизинде козголгонун билдирди.
Белгилей кетсек, Улан Сариев азыркы мезгилде Бишкек шаардык кеңешинин депутаты.
Учурда УКМК тарабынан козголгон кылмыш ишинин алкагында иштин бардык жагдайын аныктоого багытталган тиешелүү ыкчам тергөө иш-чаралары улантылып, жыйынтыгында чогултулган материалдар Борбордук шайлоо комиссиясына кароо үчүн жөнөтүлөрү айтылды.
Эске салсак, буга чейин аталган шайлоо округунан депутаттыкка ат салышып, алдын ала жыйынтык боюнча эң көп добуш алган Дамира Ниязалиеванын добуштарды сатып алуусу боюнча иш козголгон.
Ленин шайлоо округунан утуп чыккан Дамира Ниязалиева. Архив - Sputnik Кыргызстан, 1920, 30.05.2023
Дамира Ниязалиева алган добуштар жокко чыкса кайра шайлоо өтөбү? Мыйзам
Жаңылыктар түрмөгү
0