Sputnik Кыргызстан агенттиги окумуштуулар жараткан эмгектердин негизинде кыргыз эли колдонуп келген аянт, убакыт бирдиктерин чечмелеп берүүгө аракет кылды.

үй ордундай — боз үйдүн тигилүүчү ордундай аянт;

танап — бир гектарга чукул аянт. Андан сырткары, Орто Азия элдеринде мурун "теше" сөзү да гектар аянтына маанилеш болуп колдонулган;

батман — Фергана өрөөнүндө бир батман 10-12 гектар жерге барабар аянт болгон. Азыр бул түшүнүк архаизмге айланып кетти.

чай кайнам — 15-20 мүнөт;

эт бышым — эки-үч саат;

бээ саам — эки саат;

күн бою — күн чыккандан батканга чейин;

түнү бою — күн киргенден таң атканга чейин;

бир жума — жети күн;

бир ай — 30 же 31 күн;

бир жыл — кыргыздардын ай санагы боюнча, бир жыл 12 айдан куралган. Көчмөн эл айдын жаңырышына, асмандагы жылдыздарга карап көчүп-конуп, чарбалык иштерин жүргүзгөн. Мисалы, малдын токтошу, желин салышын да Айдын чыгышына карата санап, туутка даярданган;

мүчөл — адам жашынын 12 жылдык цикли. 12 жаш бир мүчөл, 24 жаш эки мүчөл, 36 жаш үч мүчөл болуп уланып кете берген;

бир кылым — 100 жыл.

Ошондой эле Белек Солтоноев бир сутканын ичиндеги убакыттарды 33кө бөлүп жазган:

Ал эми сан бирдиктери элдин, аскердин, мал-жандыктын санын аныктоодо кеңири колдонулган.

ондук — он аскерден турган топ;

элүүлүк — 50 аскерден турган топ;

жүздүк — 100 аскерден турган топ;

миңдик — 1000 аскерден турган кошуун;

түмөн — 10 миң аскерден куралган кошуун.

Андан сырткары, мал-жандыкты бир короо, бир үйүр деп да эсептешкен.