Космонавттарды даярдаган даңазалуу кардиолог. Мирсаид Миррахимовдун сүрөттөрү
Космонавттарды даярдаган даңазалуу кардиолог. Мирсаид Миррахимовдун сүрөттөрү
Sputnik Кыргызстан
Белгилүү кардиолог Мирсаид Миррахимов кезинде советтик космонавттардын космоско даярдоо иштерине катышып, далай шакирттерине жол көрсөткөн. Sputnik Кыргызстан... 30.03.2023, Sputnik Кыргызстан
Мирсаид Миррахимов 1927-жылы 27-мартта Фрунзе шаарында төрөлүп, борбордогу мектепти бүтүргөн соң Кыргыз мамлекеттик медициналык институтунда билим алып, аны 21 жашында кызыл диплом менен аяктаган. Төрт жылдан кийин 25 жашында илимдин кандидаты, 38 жашында Ленинград шаарында Физиология институтунда илимдин докторлугун жактаган. 1960-жылдары 15 союздук республиканын ичинен биринчилерден болуп Фрунзеде 60 бейтапка ылайыкталган кардиология бөлүмүн, азыркы Кардиология илимий-изилдөө институтун ишке киргизген. Ошол эле маалда илим менен жигердүү алектенип, бийик тоолуу климаттын ден соолукка тийгизген таасири боюнча илимий изилдөө иштерин жүргүзүп, Ысык-Көлдө советтик космонавттарды ачык космоско даярдоо, алардын кайра учуп келгенде реабилитациялоо иштерине жигердүү катышкан. Миррахимов медицинада жалпы 60 жылдай иштеп, 100дөн ашык илимдин докторун жана кандидаттарын өстүргөн. Убагында Кыргыз ССРинин биринчи катчысы Турдакун Усубалиев, залкар жазуучу Чыңгыз Айтматов Миррахимовдун жеке көзөмөлүндө болуп дарыланып турушкан.I жана III даражадагы Манас орденинин ээси 2008-жылы 81 жашында көз жумган.Тема боюнча:
Белгилүү кардиолог Мирсаид Миррахимов кезинде советтик космонавттардын космоско даярдоо иштерине катышып, далай шакирттерине жол көрсөткөн. Sputnik Кыргызстан агенттиги атактуу илимпоздун сүрөттөгү ирмемдерин сунуштайт.
Мирсаид Миррахимов 1927-жылы 27-мартта Фрунзе шаарында төрөлүп, борбордогу мектепти бүтүргөн соң Кыргыз мамлекеттик медициналык институтунда билим алып, аны 21 жашында кызыл диплом менен аяктаган. Төрт жылдан кийин 25 жашында илимдин кандидаты, 38 жашында Ленинград шаарында Физиология институтунда илимдин докторлугун жактаган. 1960-жылдары 15 союздук республиканын ичинен биринчилерден болуп Фрунзеде 60 бейтапка ылайыкталган кардиология бөлүмүн, азыркы Кардиология илимий-изилдөө институтун ишке киргизген. Ошол эле маалда илим менен жигердүү алектенип, бийик тоолуу климаттын ден соолукка тийгизген таасири боюнча илимий изилдөө иштерин жүргүзүп, Ысык-Көлдө советтик космонавттарды ачык космоско даярдоо, алардын кайра учуп келгенде реабилитациялоо иштерине жигердүү катышкан. Миррахимов медицинада жалпы 60 жылдай иштеп, 100дөн ашык илимдин докторун жана кандидаттарын өстүргөн. Убагында Кыргыз ССРинин биринчи катчысы Турдакун Усубалиев, залкар жазуучу Чыңгыз Айтматов Миррахимовдун жеке көзөмөлүндө болуп дарыланып турушкан.
I жана III даражадагы Манас орденинин ээси 2008-жылы 81 жашында көз жумган.
Советтер Союзунун көрүнүктүү окумуштуулары. Миррахимов так ортодо турат. СССРдин Илимдер академиясынын жана медицина илимдер академиясынын илимий көчмө сессиясынын катышуучулары. Фрунзе, 1975-жыл
Миррахимов СССРдин окумуштуулары менен биргеликте космонавттарды космоско чыгууга даярдоо, учуп келгендерди реабилитациядан өткөрүү иштерине жигердүү катышкан
Кардиология илим изилдөө институтунун директору, СССРдин медицина илимдер академиясынын мүчө-корреспонденти Миррахимов кыргызстандык жана чет элдик кесиптештери менен
Социалисттик Эмгектин Баатыры, академик Мирсаид Миррахимов 2008-жылы 81 жашында көз жумган. Азыр анын ысымын өзү ачкан Улуттук кардиология жана терапия борбору алып жүрөт
