https://sputnik.kg/20230303/miliciya-karmaganda-ehmne-kyluu-kerek-1073289924.html
Көчөдөн милиция токтоткондо эмнелерди эске алуу керек? Жактоочунун жообу
Көчөдөн милиция токтоткондо эмнелерди эске алуу керек? Жактоочунун жообу
Sputnik Кыргызстан
Жактоочу Куватбек Шатманов көчөдөн милиция кызматкерлери катардагы жаранды токтоткон учурда эмнелерге көңүл буруу зарылдыгын санап берди. 03.03.2023, Sputnik Кыргызстан
2023-03-03T11:53+0600
2023-03-03T11:53+0600
2023-03-03T15:03+0600
радио
милиция
жаран
укук
мыйзам
жактоочу
https://sputnik.kg/img/07e7/03/03/1073298121_0:238:3067:1963_1920x0_80_0_0_80b67975dcd714f6137ff087d95eea21.jpg
Көчөдөн милиция токтоткондо эмнелерди эске алуу керек? Жактоочунун жообу
Sputnik Кыргызстан
Көчөдөн милиция токтоткондо эмнелерди эске алуу керек? Жактоочунун жообу
Эгер сизди милиция кызматкери токтотуп документ сураса, алгач анын өзүн тааныштыруусун, аты-жөнүн, чинин, каердин кызматкери экенин тактап, билип алыңыз. Ошону менен катар эле көрсөткөн документин карап жетишпей калсаңыз тартынбай кайрадан сураганга укугуңуз бар. Муну менен катар эле эмне себептен сизди токтотуп жатканын дароо так айтышы зарыл. Бул тууралуу Куватбек Шатманов Sputnik Кыргызстан радиосуна маек куруп жатып бөлүштү.Анын айтымында, эгер милиция кызматкери кандайдыр бир жүйө менен жаранды бөлүмгө алып жөнөсө, ал адам жакындарына же жактоочуга дароо телефон чалып билдирип койгонго укуктуу.Ал жарандардын укугу милиция кызматкерлери тарабынан бузулган учурда унутта калтырбай прокуратура жана башка тиешелүү органдарга кайрылууга чакырды.
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
милиция, жаран, укук, мыйзам, жактоочу, аудио
милиция, жаран, укук, мыйзам, жактоочу, аудио
Көчөдөн милиция токтоткондо эмнелерди эске алуу керек? Жактоочунун жообу
11:53 03.03.2023 (Жаңыртылды: 15:03 03.03.2023) Жактоочу Куватбек Шатманов көчөдөн милиция кызматкерлери катардагы жаранды токтоткон учурда эмнелерге көңүл буруу зарылдыгын санап берди.
Эгер сизди милиция кызматкери токтотуп документ сураса, алгач анын өзүн тааныштыруусун, аты-жөнүн, чинин, каердин кызматкери экенин тактап, билип алыңыз. Ошону менен катар эле көрсөткөн документин карап жетишпей калсаңыз тартынбай кайрадан сураганга укугуңуз бар. Муну менен катар эле эмне себептен сизди токтотуп жатканын дароо так айтышы зарыл. Бул тууралуу Куватбек Шатманов
Sputnik Кыргызстан радиосуна маек куруп жатып бөлүштү.
Анын айтымында, эгер милиция кызматкери кандайдыр бир жүйө менен жаранды бөлүмгө алып жөнөсө, ал адам жакындарына же жактоочуга дароо телефон чалып билдирип койгонго укуктуу.
"Адатта тартип коргоочулар жарандарды жөн жай эле токтотуп алып текшере бербейт. Кандайдыр бир коомдук тартип бузуу болсо же милицияга кайсы бир кылмышкер боюнча билдирүү келип түшсө жана сиздин келбетиңиз ага түспөлдөш болсо токтотуп, документ талап кылышы ыктымал. Мындай учурда жарандар өзүн жоготпой алгач кызматкердин өзү тууралуу маалыматты тактап алуусу зарыл. Ошондой эле себепсиз бөлүмгө алып барууга да тартип сакчыларынын укугу жок. Эгер өздүгүңүздү тастыктаган документиңиз жок болсо, аны смартфонуңузга тартып алган үлгүсүн көрсөтсөңүз да жарай берет. Негизинен административдик кармоо менен кылмышка шектүү катары кармоонун айырмасы чоң. Шектүүнүн укуктары бир топ чектелүү болот. Анын жеке буюмдарын да эгер зарылчылык болсо милиция тинте алат. Ал эми административдик себеп менен токтотуп жатса сиздин жеке буюмдарыңызга протокол түзүлмөйүн тинтүү жүргүзүүгө укугу жок. Эгер жаранды кайсы бир себеп менен бөлүмгө алып барышса, анда аны үч сааттан ашык кармоого болбойт. Ал эми административдик укук бузуу сот аркылуу аныкталган учурда жаранды беш суткага чейин укугунан ажыратуу мыйзам чегинде каралган. Бул учурда өлкөдө аскердик абал же өзгөчө кырдаал болсо жети суткага узарып кетиши да ыктымал. Бирок майрам же дем алыш күндөрүнө туш болуп калса беш суткалык гана эреже иштейт", — деди Шатманов.
Ал жарандардын укугу милиция кызматкерлери тарабынан бузулган учурда унутта калтырбай прокуратура жана башка тиешелүү органдарга кайрылууга чакырды.
