https://sputnik.kg/20230301/deputat-ministrdi-uyatkardy-1073234561.html
Депутат "100 ишкананын 50сү иштеп кетсе жакшы" деген министрди уяткарды
Депутат "100 ишкананын 50сү иштеп кетсе жакшы" деген министрди уяткарды
Sputnik Кыргызстан
Депутат андай болсо алына ченеп эле азыраак долбоорду баштоо керектигин айтты. 01.03.2023, Sputnik Кыргызстан
2023-03-01T13:52+0600
2023-03-01T13:52+0600
2023-03-01T19:28+0600
кыргызстан
саясат
данияр амангелдиев
алишер козуев
ишкана
уят
видео
https://sputnik.kg/img/07e6/02/03/1061760917_51:418:2701:1909_1920x0_80_0_0_63f0825fa10390befdf6448295dfd65a.jpg
БИШКЕК, 1-мар. — Sputnik. Жогорку Кеңештин депутаты Алишер Козуев экономика жана коммерция министри менен анын орун басарын уяткарды.Кечээ тармактык комитеттин жыйынында орун басары Чыңгыз Макешов "Кыргыз индустрия" мамлекеттик ишканасындагы 100 долбоордун 50 пайызы бутуна туруп иштеп кетсе, жакшы көрсөткүч деген оюн билдирген.Ал эми бүгүн жалпы жыйында депутат экономика министри Данияр Амангелдиевден бул боюнча пикирин сураганда, ал да жарымы иштеп кетсе жакшы көрсөткүч болорун айтты.Андан соң эл өкүлү дароо 100 долбоорду баштоонун кандай зарылчылыгы бардыгын айтып "алына ченеп эле ачса болбойбу, сөзсүз эле кагазда чоң цифра болушу керекпи?" деген суроо салды."Бул иштелип чыккан пландык жумуш. Долбоорлорду чогултканда 100 болуп калды. Эми бизнес-планын иштеп, каражат таап, жабдууларга буюртма берсек логистикасы бир жылга созулуп кеткен учур болот. Негизинен 100 ишкана ачылат, ал боюнча иш жүрөт. Эми канчасы ишке ашат... Биз аракет кылабыз", — деди Амангелдиев.Козуев баштабай жатып эле багынып берүү туура эместигин, жок дегенде 10-20 пайыз тобокелчилик болот деген принцип менен иштөөгө чакырды. Минте беришсе ишкана жетекчилеринде стимул болбой турганын белгиледи.Аягында министр депутаттын сынын туура кабыл алып, ал багытта иштөөнү убадалады.
https://sputnik.kg/20230301/mamlekettik-ishkanalar-kireshesin-byudzhetke-berbeyt-1073230769.html
Sputnik Кыргызстан
media@sputniknews.com
+74956456601
MIA „Rosiya Segodnya“
2023
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, саясат, данияр амангелдиев, алишер козуев, ишкана, уят, видео
кыргызстан, саясат, данияр амангелдиев, алишер козуев, ишкана, уят, видео
Депутат "100 ишкананын 50сү иштеп кетсе жакшы" деген министрди уяткарды
13:52 01.03.2023 (Жаңыртылды: 19:28 01.03.2023) Депутат андай болсо алына ченеп эле азыраак долбоорду баштоо керектигин айтты.
БИШКЕК, 1-мар. — Sputnik. Жогорку Кеңештин депутаты Алишер Козуев экономика жана коммерция министри менен анын орун басарын уяткарды.
Кечээ тармактык комитеттин жыйынында орун басары Чыңгыз Макешов "Кыргыз индустрия" мамлекеттик ишканасындагы 100 долбоордун 50 пайызы бутуна туруп иштеп кетсе, жакшы көрсөткүч деген оюн билдирген.
"Силердики бир фермер кредитке жазда 100 кой алса, 50сү күзгө чейин өлүп калат деп ойлогондой болуп жатат да. Уят эмеспи бул? Акча кетирип баарын баштап албай 30-40ты эле ачпайсыңарбы? Сандан сапатка өткүлө да. Ишканага бюджеттен 1 миллиард сом бөлүнгөн", — деп нааразы болгон Козуев.
Ал эми бүгүн жалпы жыйында депутат экономика министри Данияр Амангелдиевден бул боюнча пикирин сураганда, ал да жарымы иштеп кетсе жакшы көрсөткүч болорун айтты.
"Мен деле эгер долбоорлордун 50 пайызын ишке ашырсак, жакшы жетишкендик деп эсептейм. Быйыл 100 долбоордун баары жүзөгө ашпаса, кийинки жылы анын үстүндө иш жүрө берет. Бүгүнкү күндө "Кыргыз индустрияда" 19 ишкана түзүлгөн", — деди министр.
Андан соң эл өкүлү дароо 100 долбоорду баштоонун кандай зарылчылыгы бардыгын айтып "алына ченеп эле ачса болбойбу, сөзсүз эле кагазда чоң цифра болушу керекпи?" деген суроо салды.
"Бул иштелип чыккан пландык жумуш. Долбоорлорду чогултканда 100 болуп калды. Эми бизнес-планын иштеп, каражат таап, жабдууларга буюртма берсек логистикасы бир жылга созулуп кеткен учур болот. Негизинен 100 ишкана ачылат, ал боюнча иш жүрөт. Эми канчасы ишке ашат... Биз аракет кылабыз", — деди Амангелдиев.
Козуев баштабай жатып эле багынып берүү туура эместигин, жок дегенде 10-20 пайыз тобокелчилик болот деген принцип менен иштөөгө чакырды. Минте беришсе ишкана жетекчилеринде стимул болбой турганын белгиледи.
Аягында министр депутаттын сынын туура кабыл алып, ал багытта иштөөнү убадалады.
1 Жалган Куран 2023, 11:53
