https://sputnik.kg/20230225/kyz-oorusunan-kyjnalgan-apa-1073150177.html
Кызым ооругандан кийин тилин таба албай жатам. Эненин каты
Кызым ооругандан кийин тилин таба албай жатам. Эненин каты
Sputnik Кыргызстан
Sputnik Кыргызстан купуялыкты сактоо менен окурмандардын жеке турмушуна байланышкан көйгөйлөрдү жарыялап келет. 25.02.2023, Sputnik Кыргызстан
2023-02-25T16:05+0600
2023-02-25T16:05+0600
2023-02-25T16:05+0600
кыргызстан
психолог менен баарлашуу
сажира абдыкаимова
кыз
үй-бүлө
эне
оору
https://sputnik.kg/img/07e7/02/19/1073151108_0:49:3072:1777_1920x0_80_0_0_3d3a8627417bc581c0e0f5d6e1d8f380.jpg
"Психолог менен баарлашуу" рубрикасына кызынын ден соолугуна сарсанаа болуп, арга издеп, жан алакетке түшкөн аял кат жазган.Саламатсыңарбы! Мен 55 жаштамын. Айылда турабыз. Кичүү кызым быйыл студент болуп, азыр шаарда турат. Жакында эле мугалими шашылыш чакыртканынан жетип келдим. Көрсө, кызым сабакта отуруп эле дубалга сүйөнгөн боюнча бир жерди карап, жарым сааттай жалдырап тура бериптир. Жанындагылар жулкулдатса да болбой катып, көзү токтоп калыптыр. Андан кийин дароо айылга алып барып үй-бүлөлүк дарыгерге көрсөтсөм дароо Жалдагы оорукананын неврологуна багыттама жазып берди. Келип көргөздүм, ошондон бери өзүмө келе албай ыйлап-сыктап жүрөм. Айрымдар кыргызчылык деп жатат. Билбейм, молдого алып барсам кичинесинде катуу коркуп калганын айтат. Невролог мени чыгарып жиберип өзү менен сүйлөшкөндө кызым "жеңем менен жакшы сүйлөшчүмүн, сырдашчумун. Байкем менен урушуп, жеңем кетип калган. Жакында эле жеңем "болду, келбейм" дегенде аябай кыжалат болуп, нервденгем" дептир. Ошол жеңесине сырдашчу экен. Кичинесинен эле түнт кыз. Элден обочолонуп турат. Сырын айта бербейт. Мени менен сырдашпайт. Өзүм деле көп ашыкча сөз айтчу эмесмин. Кыялы түнт болгондуктан эч кимибиз катуу айтпай, көп сүйлөгүсү келбесе жайына койчубуз. Азыр сурамыш этип сөзгө тартсам, мурда мектептен да ушинтип ээси ооп туруп калган учуру болгонун айтты. Бирок бизден жашырыптыр. Ушинтип туруп калганда эмне болгону эсинде жок экен. Жанындагыларды унутуп каларын айтат. Жүрөгүм түшүп жатат. Кызым менен сүйлөшөйүн десем мени менен ачылып сүйлөшпөйт. Кантип өзүмө тарсам болот? Кандай туура мамиле кылууну билбей жатам. Мындайда этияттап мамиле кылуу керектигин айтып жатышат. Учурда психологиялык оор абалда. Бирок кызымды өзүмө тартуум керек. Унчукпай эле жүрөт. Кантем?Психолог Сажира Абдыкаимова: Саламатсызбы?! Сиз кызыңызга эмне кылганда жардам бере аласыз? Анын жашоосу канткенде жеңилдейт? Жаныңыздан чыгарбай карайсызбы? Врачтардын айтканынын бирин дагы калтырбай жасадыңызбы? Же кызыңыз жасап жатабы? Эгер көйгөй бар болсо, чечүү жолу дагы бар чыгар. Кандай ойлойсуз, кызыңыз мындан ары кандай жашоодо жашайт? Кызыңызды ойлогондо сиз өзгөчө эмнеден коркуп кетесиз? Эмне үчүн мектептеги окуяны сиздерге айткан эмес? Эгер депрессияда болсо, аны аныктоо үчүн психотерапевтке кайрылыңыздар.Бир сөз менен айтканда, бул кызга психолог эмес, психотерапевт керек. Балким, ар кандай дары-дармек да жазып берет. Кызына кандай мамиле жасоо керектигин үйрөнүү максатында апасына дагы психолог керек өңдүү. Бул жерде кыз өтө авторитардык үй-бүлөдө чоңойгонун көрүп турам. Өзүнө кам көрүү, эс алуу, өз оюн айтуу деген нерсе да жок болгондуктан өз көйгөйүн жашырып айткан эмес. Корккон же апасын аягандыр.Бул жерде көп көйгөй болушу мүмкүн. Балким, ата-энесинин ден соолугу жакшы эмес же турмушунда оор кырдаал болгон. Бир гана кеңеш - создуктурбай тез арада психотерапевтке кайрылгыла.
https://sputnik.kg/20230114/zhigitimdin-kylygy-ojlontot-1072028831.html
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, психолог менен баарлашуу, сажира абдыкаимова, кыз, үй-бүлө, эне, оору
кыргызстан, психолог менен баарлашуу, сажира абдыкаимова, кыз, үй-бүлө, эне, оору
Кызым ооругандан кийин тилин таба албай жатам. Эненин каты
Sputnik Кыргызстан купуялыкты сактоо менен окурмандардын жеке турмушуна байланышкан көйгөйлөрдү жарыялап келет.
"Психолог менен баарлашуу" рубрикасына кызынын ден соолугуна сарсанаа болуп, арга издеп, жан алакетке түшкөн аял кат жазган.
Саламатсыңарбы! Мен 55 жаштамын. Айылда турабыз. Кичүү кызым быйыл студент болуп, азыр шаарда турат. Жакында эле мугалими шашылыш чакыртканынан жетип келдим. Көрсө, кызым сабакта отуруп эле дубалга сүйөнгөн боюнча бир жерди карап, жарым сааттай жалдырап тура бериптир. Жанындагылар жулкулдатса да болбой катып, көзү токтоп калыптыр. Андан кийин дароо айылга алып барып үй-бүлөлүк дарыгерге көрсөтсөм дароо Жалдагы оорукананын неврологуна багыттама жазып берди. Келип көргөздүм, ошондон бери өзүмө келе албай ыйлап-сыктап жүрөм. Айрымдар кыргызчылык деп жатат. Билбейм, молдого алып барсам кичинесинде катуу коркуп калганын айтат. Невролог мени чыгарып жиберип өзү менен сүйлөшкөндө кызым "жеңем менен жакшы сүйлөшчүмүн, сырдашчумун. Байкем менен урушуп, жеңем кетип калган. Жакында эле жеңем "болду, келбейм" дегенде аябай кыжалат болуп, нервденгем" дептир. Ошол жеңесине сырдашчу экен. Кичинесинен эле түнт кыз. Элден обочолонуп турат. Сырын айта бербейт. Мени менен сырдашпайт. Өзүм деле көп ашыкча сөз айтчу эмесмин. Кыялы түнт болгондуктан эч кимибиз катуу айтпай, көп сүйлөгүсү келбесе жайына койчубуз. Азыр сурамыш этип сөзгө тартсам, мурда мектептен да ушинтип ээси ооп туруп калган учуру болгонун айтты. Бирок бизден жашырыптыр. Ушинтип туруп калганда эмне болгону эсинде жок экен. Жанындагыларды унутуп каларын айтат. Жүрөгүм түшүп жатат. Кызым менен сүйлөшөйүн десем мени менен ачылып сүйлөшпөйт. Кантип өзүмө тарсам болот? Кандай туура мамиле кылууну билбей жатам. Мындайда этияттап мамиле кылуу керектигин айтып жатышат. Учурда психологиялык оор абалда. Бирок кызымды өзүмө тартуум керек. Унчукпай эле жүрөт. Кантем?
Психолог Сажира Абдыкаимова: Саламатсызбы?! Сиз кызыңызга эмне кылганда жардам бере аласыз? Анын жашоосу канткенде жеңилдейт? Жаныңыздан чыгарбай карайсызбы? Врачтардын айтканынын бирин дагы калтырбай жасадыңызбы? Же кызыңыз жасап жатабы? Эгер көйгөй бар болсо, чечүү жолу дагы бар чыгар. Кандай ойлойсуз, кызыңыз мындан ары кандай жашоодо жашайт? Кызыңызды ойлогондо сиз өзгөчө эмнеден коркуп кетесиз? Эмне үчүн мектептеги окуяны сиздерге айткан эмес? Эгер депрессияда болсо, аны аныктоо үчүн психотерапевтке кайрылыңыздар.
Бир сөз менен айтканда, бул кызга психолог эмес, психотерапевт керек. Балким, ар кандай дары-дармек да жазып берет. Кызына кандай мамиле жасоо керектигин үйрөнүү максатында апасына дагы психолог керек өңдүү. Бул жерде кыз өтө авторитардык үй-бүлөдө чоңойгонун көрүп турам. Өзүнө кам көрүү, эс алуу, өз оюн айтуу деген нерсе да жок болгондуктан өз көйгөйүн жашырып айткан эмес. Корккон же апасын аягандыр.
Бул жерде көп көйгөй болушу мүмкүн. Балким, ата-энесинин ден соолугу жакшы эмес же турмушунда оор кырдаал болгон. Бир гана кеңеш - создуктурбай тез арада психотерапевтке кайрылгыла.
