БИШКЕК, 21-фев. — Sputnik. Министрлер кабинетинин төрагасы Акылбек Жапаров Нарын дубанына иш сапар менен келип, аба ырайына байланыштуу түзүлгөн өзгөчө кырдаалдан кабар алды. Бул тууралуу президенттин Нарын облусундагы ыйгарым укуктуу өкүлүнүн маалымат кызматына таянып аймактык кабарчы билдирди.Иш сапарынын жүрүшүндө Жапаров президенттин Нарын облусундагы ыйгарым укуктуу өкүлчүлүгүндө Жарандык коргонуу комиссиясынын жана күч түзүмдөрүнүн өкүлдөрү менен жолугуп, учурдагы кырдаал боюнча жалпы маалыматты укту.Эске салсак, кыштагы аба ырайына байланыштуу Нарын облусуна өзгөчө кырдаал режими киргизилген.Учурда көчкү түшүү кооптуулугунан улам кечки саат алтыга чейин Бишкек — Нарын — Торугарт жолу жабылып турат. Ал тиешелүү кызматтар көчкү кооптуулугун алдын алуу жана жолду тазалоо иштерин жүргүзүүдө.Облус жетекчиси Алтынбек Эргешов жолугушуу учурунда көчкү, жол каттамдардан сырткары башка көйгөйлүү маселелерди да ортого салды. "Кыргыз автожол" мамлекеттик ишканасы тарабынан колдон келишинче техникалар тартылганы менен 3748,95 чакырым автожолду сапаттуу тейлөө үчүн дагы бир топ техникалар керектигин айтты.Ошондой эле автогрейдер, механикалык жүктөгүч, автосамосвалдар, каз тамандуу жана дөңгөлөктүү эксковаторлор, асфальт жаткыргычтар, таптагычтар, автокрандар жана асфальт-бетон заводу зарыл экендигин айтып, Жапаровдон техникадан жардам берүүлөрүн өтүндү.Жапаров буга жооп иретинде быйыл 2,5 миллиард сомго жолчуларга жаңы техникаларды алып келүү каралып жатканын, алар келсе Нарын облусу да негизги техникалар менен камсыздаларын айтты.Министрлер кабинетинин төрагасы бул жолу өзгөчө кырдаалга байланыштуу шашылыш келгенин, март айынын ичинде жазгы-талаа жумуштары, Нарында ишке ашып жаткан пилоттук долбоорлор, административдик-аймактык реформа боюнча жыйын өткөрүлүп, кеңири талкууланаарын билдирди.Мындан сырткары, Нарын шаарындагы жеке менчикке өтүп кетип пайдаланылбай турган жер аянттарын инвентаризациялап, кайра мамлекетке алуу боюнча тиешелүү тараптарга тапшырма берди.
Учурда көчкү түшүү кооптуулугунан улам кечки саат алтыга чейин Бишкек — Нарын — Торугарт жолу жабылып турат.
БИШКЕК, 21-фев. — Sputnik. Министрлер кабинетинин төрагасы Акылбек Жапаров Нарын дубанына иш сапар менен келип, аба ырайына байланыштуу түзүлгөн өзгөчө кырдаалдан кабар алды. Бул тууралуу президенттин Нарын облусундагы ыйгарым укуктуу өкүлүнүн маалымат кызматына таянып аймактык кабарчы билдирди.
Иш сапарынын жүрүшүндө Жапаров президенттин Нарын облусундагы ыйгарым укуктуу өкүлчүлүгүндө Жарандык коргонуу комиссиясынын жана күч түзүмдөрүнүн өкүлдөрү менен жолугуп, учурдагы кырдаал боюнча жалпы маалыматты укту.
Учурда көчкү түшүү кооптуулугунан улам кечки саат алтыга чейин Бишкек — Нарын — Торугарт жолу жабылып турат. Ал тиешелүү кызматтар көчкү кооптуулугун алдын алуу жана жолду тазалоо иштерин жүргүзүүдө.
Облус жетекчиси Алтынбек Эргешов жолугушуу учурунда көчкү, жол каттамдардан сырткары башка көйгөйлүү маселелерди да ортого салды. "Кыргыз автожол" мамлекеттик ишканасы тарабынан колдон келишинче техникалар тартылганы менен 3748,95 чакырым автожолду сапаттуу тейлөө үчүн дагы бир топ техникалар керектигин айтты.
Ошондой эле автогрейдер, механикалык жүктөгүч, автосамосвалдар, каз тамандуу жана дөңгөлөктүү эксковаторлор, асфальт жаткыргычтар, таптагычтар, автокрандар жана асфальт-бетон заводу зарыл экендигин айтып, Жапаровдон техникадан жардам берүүлөрүн өтүндү.
Жапаров буга жооп иретинде быйыл 2,5 миллиард сомго жолчуларга жаңы техникаларды алып келүү каралып жатканын, алар келсе Нарын облусу да негизги техникалар менен камсыздаларын айтты.
Министрлер кабинетинин төрагасы бул жолу өзгөчө кырдаалга байланыштуу шашылыш келгенин, март айынын ичинде жазгы-талаа жумуштары, Нарында ишке ашып жаткан пилоттук долбоорлор, административдик-аймактык реформа боюнча жыйын өткөрүлүп, кеңири талкууланаарын билдирди.
Мындан сырткары, Нарын шаарындагы жеке менчикке өтүп кетип пайдаланылбай турган жер аянттарын инвентаризациялап, кайра мамлекетке алуу боюнча тиешелүү тараптарга тапшырма берди.
