Айылын көксөп, дегдеп, сагынып... Сүймөнкул Чокморовдун таберик сүрөтү

Жазылуу
НовостиTelegram
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Sputnik /Фред Гринберг
Солдон экинчи турган СССРдин эл артисти, белгилүү актер Сүймөнкул Чокморовдун айылдаштары менен түшкөн сүрөтү Чүй облусунун Чоң-Таш айылында 1982-жылы тартылган.
Ал кезде залкар актер сыркоолоп чыгармачылыктан алыстап калган. Кинофотограф Александр Федоров ошол учурду мындайча эскерет:
"Сүймөнкул өзүнүн айылына жайы-кышы дебей көп каттачу, кээде мени да ээрчитип алчу. Экөөбүз айылдаш, туугандарыныкында конок болуп жүрчүбүз. Кийин ден соолугу начарлап кеткенде айылга көп каттабай, гемодиализ алып борбор калаада эле болуп калган. Ага чейин өзүнүн туулган айылына жаңы үй куруп, сыймыктанып бизге көргөзүп калчу. Бир жолу Чыңгыз Айтматов болуп да чогуу барып калганбыз. Өргөөсүндө сүрөт устаканасы, бир топ эмгектери да болгон. Актер негизи ал жакта жашагысы келчү, бирок дүйнөдөн эрте узап кетти", — деди Федоров.
Чыгаан актер Сүймөнкул Чокморов чыгармачылык жолунда 20дай тасмада роль жаратып, өзүнүн өнөркасында 500гө жакын сүрөт тарткан. Элдин сүймөнчүлүгүнө айланган таланттуу инсан 1982-жылдан тарта катуу ооруп, илдет менен алышып жүрүп 1992-жылы 26-сентябрда 52 жашында дүйнө салган.
Тема боюнча:
Талашка түшкөн Советбек Жумадыловдун тасмадагы таберик сүрөтү
Шамшиевдин жакшы көргөн актерлору. Кайталангыс таланттардын таберик сүрөтү
Бакен Кыдыкеева менен Наталья Аринбасарова. "Биринчи мугалимдеги" таберик сүрөт
Исхак Раззаков артисттердин көйнөгүн тиктирип... Декададагы таберик сүрөт
Жаңылыктар түрмөгү
0