Шамшиевдин жакшы көргөн актерлору. Кайталангыс таланттардын таберик сүрөтү

Жазылуу
НовостиTelegram
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Фото / из семейного архива Шамшиевых
Кыргыз Республикасынын эл артисттери Жамал Сейдакматова, Советбек Жумадылов, Айтурган Темирова жана СССРдин эл артисти, белгилүү кинорежиссер Болот Шамшиевдин сүрөтү өткөн кылымдын 70-жылдарынын орто ченинде Фрунзе (азыркы Бишкек) шаарында тартылган.
Сүрөттөгү адамдар учурунда тыгыз иштешип, классикага айланган кинокартиналарды жараткан.
Ал кезди, замандаштарын актриса Айтурган Темирова мындайча эскерет:
"Бул сүрөт Бишкек шаарындагы Токтоболот Абдумомунов атындагы Кыргыз улуттук академиялык драма театрында тартылган. Болот Шамшиев тыгыз кызматташкан актер, актрисалар менен түшкөн экен. Анын эң биринчи тарткан толук метраждуу "Караш-Караш окуясы" көркөм тасмасында Советбек Жумадылов Жарасбай манаптын, Жамал Сейдакматова башкы каарман Бактыгулдун аялынын ролун аткарган. Кинорежиссер кийинки эмгектеринде да бул эки залкар менен иштешти. Болоттун бир да кинофильми аларсыз тартылган жок. Мен да көп кинофильмде тартылгам. Негизи эле режиссер үчүн таланттуу актер, актрисалар менен иштөө жеңил. Болот өзү да "алар өтө ийкемдүү, кандай гана образ болбосун бат эле кирип кетишет" деп айтып калчу. Тилекке каршы, көпчүлүгү өтүп кетти. Жандары жанатта болсун", — деди Темирова.
Болот Шамшиев 1970-жылдары көрүүчүлөргө "Ак кеме", "Эл арасында", "Эрте келген турналар", "Ысык-Көлдүн кызгалдактары" кинокартиналарын сунуштап, актриса Айтурган Темирова менен бирге түтүн булатып уул-кыздуу болгон.
Тема боюнча:
Бакен Кыдыкеева менен Наталья Аринбасарова. "Биринчи мугалимдеги" таберик сүрөт
Исхак Раззаков артисттердин көйнөгүн тиктирип... Декададагы таберик сүрөт
Мелис Убукеев, Болот Шамшиев, Клара Юсупжанованын жаш кези. Таберик сүрөт
Баралына келип турган учур. Кыргыз интеллигенция өкүлдөрүнүн таберик сүрөтү
Жаңылыктар түрмөгү
0