https://sputnik.kg/20230104/baken-kydykeeva-natalya-arinbasarova-birinchi-mugalim-taberik-surot-1071753439.html
Бакен Кыдыкеева менен Наталья Аринбасарова. "Биринчи мугалимдеги" таберик сүрөт
Бакен Кыдыкеева менен Наталья Аринбасарова. "Биринчи мугалимдеги" таберик сүрөт
Sputnik Кыргызстан
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт. 04.01.2023, Sputnik Кыргызстан
2023-01-04T20:10+0600
2023-01-04T20:10+0600
2023-01-04T20:10+0600
кыргызстан
маданият
бакен кыдыкеева
клара юсупжанова
"биринчи мугалим" кино тасмасы
таберик сүрөт
https://sputnik.kg/img/104019/82/1040198236_0:0:2623:1475_1920x0_80_0_0_bc36cddb9365996a7cd3247a6b3ff77d.jpg
© Sputnik /РИА НовостиСССРдин эл артисти Бакен Кыдыкеева менен СССРдин эмгек сиңирген артисти Наталья Аринбасарованын сүрөтү 1965-жылы Нарын облусунда тартылган.Ал жылы залкар калемгер Чыңгыз Айтматовдун повестинин негизинде жаш режиссёр Андрей Кончаловский "Биринчи мугалим" тасмасын тартып, ага бир топ чыгармачыл инсандар катышкан. Бакен Кыдыкеева кара катындын ролун аткарса, Наталья Аринбасарова башкы каарман Алтынайдын образын жараткан.Ошол кезеңди аталган кинофильмде роль жараткан Назирет Дубашев мындайча эскерет:Аталган кинокартинага Болот Бейшеналиев, Советбек Жумадылов, Даркүл Күйүкова, Калича Рысмендеева, Идрис Ногойбаев, Кирей Жаркынбаев, Асанбек Кыдырназаров, Искендер Рыскулов, Медел Маниязов, Амангелди Айталиев, Жумаш Сыдыкбекова, Роза Таабалдиева, Клара Юсупжанова, Лидия Малышева да катышкан."Биринчи мугалим" кийин Киевде өткөн Бүткүл союздук кинофестивалда "Советтик экран" журналынын атайын байгесин, Римдеги кинофестивалда "Капитолий Юпитери" сыйлыгын алган. Ошондой эле Франциянын Йере шаарында өткөн жаш кинематографисттердин эл аралык фестивалында калыстар тобунун атайын байгесине татыган.Тема боюнча:
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, маданият, бакен кыдыкеева, клара юсупжанова, "биринчи мугалим" кино тасмасы, таберик сүрөт, инфографика
кыргызстан, маданият, бакен кыдыкеева, клара юсупжанова, "биринчи мугалим" кино тасмасы, таберик сүрөт, инфографика
Бакен Кыдыкеева менен Наталья Аринбасарова. "Биринчи мугалимдеги" таберик сүрөт
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
СССРдин эл артисти
Бакен Кыдыкеева менен СССРдин эмгек сиңирген артисти
Наталья Аринбасарованын сүрөтү 1965-жылы Нарын облусунда тартылган.
Ал жылы залкар калемгер Чыңгыз Айтматовдун повестинин негизинде жаш режиссёр Андрей Кончаловский "Биринчи мугалим" тасмасын тартып, ага бир топ чыгармачыл инсандар катышкан. Бакен Кыдыкеева кара катындын ролун аткарса, Наталья Аринбасарова башкы каарман Алтынайдын образын жараткан.
Ошол кезеңди аталган кинофильмде роль жараткан Назирет Дубашев мындайча эскерет:
"Эң биринчи жолу 1965-жылы Чыңгыз Айтматовдун "Биринчи мугалим" чыгармасынын негизиндеги режиссер Андрей Кончаловскийдин тасмасына тартылгам. Анда интернатта 4-класста окучумун. Мектепке режиссерлор келип сынак жарыялап калды. Балдар болуп баарыбыз катыштык, ырдатып-бийлетип көрүп, анан эпизоддук каарманга мени да тандап алышты. Ошентип мен Субан деген баланын ролун ойноп калгам. Кичинекей бала болгондуктан актриса Бакен Кыдыкеева менен тасма тартуу аянтчасында көп жолуга ала алган жокмун. Ал эми Аринбасарова менен чогуу көп жүрдүк. Ал да бизге окшоп биринчи кинофильмине тартылган. Биздин атайын тарбиячыларыбыз бар болчу, бизди ошолор карачу. Балдар, кыздар Дүйшөн агайдын ролун аткарган Болот Бейшеналиев менен көп эпизодго тартылып калдык, ага суктанып, таң калып отурчубуз. Себеби анын эмоционалдуу эпизоддору көп эмеспи, бизге ал башкача киши көрүнчү", — деди Дубашев
Аталган кинокартинага Болот Бейшеналиев, Советбек Жумадылов, Даркүл Күйүкова, Калича Рысмендеева, Идрис Ногойбаев, Кирей Жаркынбаев, Асанбек Кыдырназаров, Искендер Рыскулов, Медел Маниязов, Амангелди Айталиев, Жумаш Сыдыкбекова, Роза Таабалдиева, Клара Юсупжанова, Лидия Малышева да катышкан.
"Биринчи мугалим" кийин Киевде өткөн Бүткүл союздук кинофестивалда "Советтик экран" журналынын атайын байгесин, Римдеги кинофестивалда "Капитолий Юпитери" сыйлыгын алган. Ошондой эле Франциянын Йере шаарында өткөн жаш кинематографисттердин эл аралык фестивалында калыстар тобунун атайын байгесине татыган.
