Carcheck чет өлкөнүн номери тагылган унаалардын да айып пулун текшере алат

© Sputnik / Жоомарт УраимовЖолдогу автоунаалар. Архив
Жолдогу автоунаалар. Архив - Sputnik Кыргызстан, 1920, 24.01.2023
Жазылуу
Айдоочуларга салынган айып пулдарды 15 күндүн ичинде 70 пайыздык арзандатуу менен төлөп алууга болору эскертилди.
БИШКЕК, 24-янв. — Sputnik. Эми Carcheck системасында чет өлкөнүн номери тагылган унааларга салынган айып пулдарды текшерүүгө болот. Бул тууралуу Ички иштер министрлигинин Жол кыймылы коопсуздугун камсыздоо башкы башкармалыгынын (ЖКККББ) маалымат кызматы билдирди.
Азырынча функция тесттик режимде ишке киргизилди. Башка жактын номери тагылган унаалардын айдоочулары "Коопсуз шаардын" алкагында айып салынганын көрө алышат.
Эми маал-маалы менен айып пулду текшерип туруу керек. Анткени система 4-5 айыпты гана көрсөткөнү менен "Коопсуз шаар" системасында андан башка да айып пулдар болушу мүмкүн.
Мындан тышкары, айдоочу ИИМдин Мониторинг борборуна же Бишкек ШИИБине (Горький көчөсү, 20) кайрылып, жол эрежесин бузгандыгы тууралуу токтомун ала алат.
Бишкекте милиция кызматкери тосмо тасмасын тартып жатат. Архив - Sputnik Кыргызстан, 1920, 24.01.2023
Бишкекте жана Чүйдө 26-27-январда жолдор убактылуу жабылат. Тизме
Жаңылыктар түрмөгү
0