Өкмөт аз камсыз үй-бүлөлөргө күн панелдерин орнотуп берүү долбоорун баштады

© Sputnik / Акылбек БатырбековБишкекте күн панелдер менен үй. Архив
Бишкекте күн панелдер менен үй. Архив - Sputnik Кыргызстан, 1920, 09.01.2023
Жазылуу
НовостиTelegram
"Нур кубат" деп аталган долбоор Чүй облусундагы эки райондо ишке ашырылып жатат.
БИШКЕК, 9-янв. — Sputnik. Кыргызстанда аз камсыз болгон үй-бүлөлөргө күн нурунан электр энергиясын өндүрө турган батареялар орнотулат. Бул туурасында Эмгек, социалдык камсыздоо жана миграция министрлигинин маалымат кызматы билдирди.
Аталган мекеме Энергетика министрлиги менен биргеликте "Нур кубат" деп аталган долбоорду пилоттук режимде иштетүүгө киришкен. Анын алкагында Чүй жана Жайыл райондорунда "Үй-бүлөгө көмөк" жөлөк пулун алган калктын аялуу катмарына 5тен 10 киловатт-саатка чейинки кубаттуулуктагы күн батереяларын акысыз коюп беришет. Ошол эле учурда андан иштелип чыккан электр энергиясын жарандар колдонуп, андан ашканын мамлекет сатып алат.
Министрлик эгер долбоор ийгиликтүү иштеп кете турган болсо өлкөдөгү аз камсыз болгон үй-бүлөлөрдүн баарына жайылтыларын белгиледи.
Азыркы тапта Кыргызстанда "Үй-бүлөгө көмөк" жөлөк пулун 106,7 миң үй-бүлө алат.
Күн электр станцияcы. Архив - Sputnik Кыргызстан, 1920, 28.12.2022
Кыргызстан менен Казакстан Ысык-Көлдө күн электр станциясын курат
Жаңылыктар түрмөгү
0