Кыргызстан менен Казакстан Ысык-Көлдө күн электр станциясын курат

© Sputnik / Михаил Воскресенский / Медиабанкка өтүүКүн электр станцияcы. Архив
Күн электр станцияcы. Архив - Sputnik Кыргызстан, 1920, 28.12.2022
Жазылуу
Ал жылына 90 миллион киловатт-саат электр кубатын өндүрөрү айтылды.
БИШКЕК, 28-дек. — Sputnik. Кыргызстан менен Казакстан күн электр станцияларын кура турган биргелешкен ишкана ачышты, биринчи болуп Ысык-Көлдө баасы 35 миллион долларлык станция куруу пландаштырылууда. Бул тууралуу Улуттук энергохолдинг кабарлады.
Улуттук энергохолдингдин "TazaEnergy" деп аталган туунду компаниясы менен Казакстандын TGS-Energy Ltd аталышындагы инвестициялык компаниясы биргелешкен "Күн булагы" ЖЧКсын түзүү боюнча уставдык документтерге кол коюшкан. Максаты — Ысык-Көлдүн аймагында кубаттуулугу 50 мегаваттка жеткен күн электр станцияларын куруу.
"Тору-Айгыр айылына курула турган алгачкы долбоордун жалпы баасы 35 миллион доллар. Аны ишке ашыруу үчүн 80 гектар жер бөлүнүүдө. Курулуштун биринчи этабы 2023-жылдын декабрында аяктайт, 25 жыл кызмат кылат деп пландалып жатат. Бул күн станциясы түйүнгө жылына 90 миллион киловатт-саат энергия берет", — деп айтылат маалыматта.
Күн электр станциянын курулушу Кыргызстандын энергетикалык коопсуздугун камсыздоого салым кошору айтылды.
Мекеменин маалымат кызматы биргелешкен ишкана Кыргызстанда жалпы кубаттуулугу 300 мегаваттка жеткен күн станцияларын курууну пландап жатканын белгиледи.
Бирок бул Кыргызстанда күн электр станциясын куруу боюнча биринчи долбоор эмес. Буга чейин ошол эле Тору-Айгыр айылында станциянын курулушуна капсула салынып, Евразия өнүктүрүү банкы биринчи этабын каржыламак.
Айылда жашаган киши. Архив - Sputnik Кыргызстан, 1920, 28.12.2022
Жашоо-шарты катаал айылдарга инвентаризация жүргүзүлөт. Атайын комиссия түзүлдү
Жаңылыктар түрмөгү
0