https://sputnik.kg/20221213/okmot-ysh-menen-kantip-kuroshot-1071044985.html
Өкмөт ыш менен кантип күрөшөт? Төрөбаев кеңешме өткөрүп, пландар айтылды
Өкмөт ыш менен кантип күрөшөт? Төрөбаев кеңешме өткөрүп, пландар айтылды
Sputnik Кыргызстан
Буга чейин экология министри долбоорлорду ишке ашыруу үчүн БУУдан 6 миллиард 700 миллион доллар грант сураганын маалымдаган. 13.12.2022, Sputnik Кыргызстан
2022-12-13T14:32+0600
2022-12-13T14:32+0600
2022-12-13T14:36+0600
кыргызстан
экология
бакыт төрөбаев
динара кутманова
бишкек
ыш
https://sputnik.kg/img/07e6/0c/0c/1071016762_0:133:2560:1573_1920x0_80_0_0_b0f524c793551568dbe64c229e941708.jpg
БИШКЕК, 13-дек. — Sputnik. Министрлер кабинетинин төрагасынын орун басары Бакыт Төрөбаев өлкөнүн ири шаарларын чулгаган ышка каршы күрөшүүгө багытталган чараларды иштеп чыгуу боюнча атайын кеңешме өткөрдү.Жыйында табигый ресурстар, экология жана техникалык көзөмөл министри Динара Кутманова ыштын келип чыгуу себептери жана кырдаалдан чыгуу пландары тууралуу баяндама жасаган.Ал борбор калаада абанын кирдешине ТЭЦте, конуштарда оттун жагылышы жана транспорт себепкер экенин эске салды. Кутманова Кыргызстан 2030-жылга карата парник газынын абага таралуусун 44 пайызга түшүрүү милдетин алганын, мындан улам министрлик коюлган максатка жетүү үчүн бир катар иш-чаралардын топтомун иштеп чыкканын билдирди.Аталган маршруттар кандайча түзүлө турганын министрлик мэрия менен чечет. Кутманова "каржы маселеси чечилгенин" белгиледи.2023-жылдын биринчи кварталынан тарта шаардагы үйлөрдө жылуулукту көпкө чейин сактай турган нанотехнологияларды ишке киргизүү долбоору башталат."Бул жылуулукту сактоочу нанокошумдар. Аларды көп кабаттуу 500 үйгө орнотуу каралууда. Израилдик өндүрүштөн чыккан технология Россиянын бар катар шаарларында колдонулуп келет. Меморандум түзүлдү, азыр Жумушчулар шаарчасы менен Тунгуч кичи районунун бири тандалууда. Алгачкы жыйынтыктардан соң шаарга жайылтабыз", — деди Кутманова.Ал үчүнчү долбоор да колдоого алынганын айтты.Төрөбаев айтылган тыянактар менен макул болуп, абанын булганышынын негизги себептери зыяндуу заттарды ыргытуу, биринчи кезекте жер тамдардын сапаты начар көмүр жагышы, автоунаалар төмөнкү сапаттагы бензин менен жүргөнү болуп жатканын билдирген.Экологияны жакшыртуу үчүн Бишкектеги мамлекеттик жана муниципалдык транспортторду газга өткөрүү сунушталган. Ал бюджетке да үнөмдүү болуп, абанын булганышы эки эсеге азаярын белгилешкен.Жыйынтыгында коюлган планды этабы менен ишке ашырып, отканаларды газга которуу иштерин активдештирүү, экологиянын жана абанын булганышына ар дайым мониторинг жүргүзүүгө тапшырма берилди.Кеңешмеге министрлик, ведомстволордун, Бишкек мэриясынын өкүлдөрү, "Газпром Кыргызстан" компаниясынын жетекчилиги катышкан.Белгилей кетсек, Кутманова буга чейин экологияны сактоо багыттары боюнча долбоорлор иштелип чыгып, БУУга 6 миллиард 700 миллион доллар грант сураганын билдирген.
https://sputnik.kg/20221106/bishkek-abasynyn-kiri-boyuncha-rejting-1069744874.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, экология, бакыт төрөбаев, динара кутманова, бишкек, ыш
кыргызстан, экология, бакыт төрөбаев, динара кутманова, бишкек, ыш
Өкмөт ыш менен кантип күрөшөт? Төрөбаев кеңешме өткөрүп, пландар айтылды
14:32 13.12.2022 (Жаңыртылды: 14:36 13.12.2022) Буга чейин экология министри долбоорлорду ишке ашыруу үчүн БУУдан 6 миллиард 700 миллион доллар грант сураганын маалымдаган.
БИШКЕК, 13-дек. — Sputnik. Министрлер кабинетинин төрагасынын орун басары Бакыт Төрөбаев өлкөнүн ири шаарларын чулгаган ышка каршы күрөшүүгө багытталган чараларды иштеп чыгуу боюнча атайын кеңешме өткөрдү.
Жыйында табигый ресурстар, экология жана техникалык көзөмөл министри Динара Кутманова ыштын келип чыгуу себептери жана кырдаалдан чыгуу пландары тууралуу баяндама жасаган.
Ал борбор калаада абанын кирдешине ТЭЦте, конуштарда оттун жагылышы жана транспорт себепкер экенин эске салды. Кутманова Кыргызстан 2030-жылга карата парник газынын абага таралуусун 44 пайызга түшүрүү милдетин алганын, мындан улам министрлик коюлган максатка жетүү үчүн бир катар иш-чаралардын топтомун иштеп чыкканын билдирди.
"2023-жылдын биринчи кварталы үчүн 20 миллион долларлык долбоор колдоого алынды. Мисалы, Лондондо "жашыл" аймакта электр кубаты менен жүргөн такси жана автобустарга гана уруксат берилген. Сынамык долбоордун алкагында мындай 200 такси жана 100 бус алып келүү каралган", — деди Кутманова.
Аталган маршруттар кандайча түзүлө турганын министрлик мэрия менен чечет. Кутманова "каржы маселеси чечилгенин" белгиледи.
2023-жылдын биринчи кварталынан тарта шаардагы үйлөрдө жылуулукту көпкө чейин сактай турган нанотехнологияларды ишке киргизүү долбоору башталат.
"Бул жылуулукту сактоочу нанокошумдар. Аларды көп кабаттуу 500 үйгө орнотуу каралууда. Израилдик өндүрүштөн чыккан технология Россиянын бар катар шаарларында колдонулуп келет. Меморандум түзүлдү, азыр Жумушчулар шаарчасы менен Тунгуч кичи районунун бири тандалууда. Алгачкы жыйынтыктардан соң шаарга жайылтабыз", — деди Кутманова.
Ал үчүнчү долбоор да колдоого алынганын айтты.
"Бул Дүйнөлүк банктын долбоору, ага ылайык Кыргызстан 10 жылга пайызы жок насыя алат. Шарты абдан жакшы. Алына турган 50 миллион доллардын 16 миллиону ирригация үчүн Бишкек мэриясына, 24 миллиону Кыргызгидрометти жабдууга (посттор жаңыланат, акчанын бир бөлүгү көмүрдүн сапатын текшерүүчү лабораторияларды жабдууга кетет) бөлүнөт", — деди Кутманова.
Төрөбаев айтылган тыянактар менен макул болуп, абанын булганышынын негизги себептери зыяндуу заттарды ыргытуу, биринчи кезекте жер тамдардын сапаты начар көмүр жагышы, автоунаалар төмөнкү сапаттагы бензин менен жүргөнү болуп жатканын билдирген.
Экологияны жакшыртуу үчүн Бишкектеги мамлекеттик жана муниципалдык транспортторду газга өткөрүү сунушталган. Ал бюджетке да үнөмдүү болуп, абанын булганышы эки эсеге азаярын белгилешкен.
Жыйынтыгында коюлган планды этабы менен ишке ашырып, отканаларды газга которуу иштерин активдештирүү, экологиянын жана абанын булганышына ар дайым мониторинг жүргүзүүгө тапшырма берилди.
Кеңешмеге министрлик, ведомстволордун, Бишкек мэриясынын өкүлдөрү, "Газпром Кыргызстан" компаниясынын жетекчилиги катышкан.
Белгилей кетсек, Кутманова буга чейин экологияны сактоо багыттары боюнча
долбоорлор иштелип чыгып, БУУга 6 миллиард 700 миллион доллар грант сураганын билдирген.
6 Жетинин айы 2022, 19:56
