Окуучулардын социалдык-эмоционалдык көндүмдөрүн изилдөө өлкөдө биринчи ирет жасалды
© Sputnik / Асель Сыдыкова
Жазылуу
Билим берүү жана илим министрлигинин алдындагы Дүйнөлүк банктын долбоорлорун ишке ашыруу жана көзөмөлдөө бөлүмүнүн баалоо боюнча координатору Мира Мыкыева баланын социалдык-эмоционалдык көндүмдөргө ээ болушунун маанилүүлүгү тууралуу айтып берди.
2022-жылдын 5-9-декабрь күндөрү Чүй облусундагы окутуу кыргыз жана орус тилдеринде жүргүзүлгөн 42 мектептин 4үнчү жана 8-класстарынын окуучулары социалдык-эмоционалдык көндүмдөрүн текшерүү тестирлөөсүнө катышты. Бул тууралуу Мира Мыкыева Sputnik Кыргызстан радиосунун эфиринде маек куруп жатып билдирди.
Окуучулардын социалдык-эмоционалдык көндүмдөрүн изилдөө өлкөдө биринчи ирет жасалды
Анын айтымында, окуучулардын социалдык-эмоционалдык көндүмдөрүн изилдөө республикада биринчи жолу жүргүзүлүп жатат.
"2022-жылдын 5-9-декабрь күндөрү Чүй облусундагы окутуу кыргыз жана орус тилдеринде жүргүзүлгөн 42 мектептин 4үнчүжана 8-класстарынын окуучулары социалдык-эмоционалдык көндүмдөрүн текшерүү тестирлөөсүнө катышты. Анда 12 мугалим, 184 окуучу жана мектептердин жетекчилиги тестти санариптик форматта планшет аркылуу тапшырышты. Бул изилдөө республикада биринчи жолу жүргүзүлүп жатат. Тестирлөө окуучулардын социалдык-эмоционалдык көндүмдөрүн дароо аныктап, аны өнүктүрүүгө жардам берген негизги факторлорду баалайт. Изилдөө окуучулардын когнитивдик көндүмдөрүн текшербейт. Социалдык-эмоционалдык көндүмдөр – бул өзүнүн эмоциясын таанып-билүү жана аны башкаруу, чыр-чатактарды ийгиликтүү чечүү, позитивдүү мамилелерди түзүү жана колдоо, башкалардын көйгөйүнө тилектеш болуу, түшүнүү, позитивдүү мамилелерди түзүү жана колдоо, этиканы сактоо, алардын жамаатына конструктивдүү салым кошуу, ошондой эле жоопкерчиликтүү чечимдерди кабыл алуу жана оор кырдаалдарды чечүү. Изилдөөнүн жыйынтыгы Билим берүү жана илим министрлигине берилип, алар тиешелүү чараларды көрөт. Социалдык-эмоционалдык бул ыкмалар окуучуларга оор тапшырмаларды аткарууга, керектүү учурда башкалардан жардам суроого жана өз аракетин жакшылап ойлонууга жардам берет", — деди Мыкыева.
Ал изилдөө Дүйнөлүк банктын каржылык колдоосу менен ишке ашып жаткан "Келечек үчүн билим берүү" долбоорунун алкагында уюштурулганын кошумчалады.
