Тумоолоп жаткан балага кандай жардам бере алабыз? Дарыгердин кеңеши

© Sputnik / Александр Кряжев / Медиабанкка өтүүДары ичип жаткан аял. Архив
Дары ичип жаткан аял. Архив - Sputnik Кыргызстан, 1920, 07.12.2022
Жазылуу
Педиатр грипптен сактануунун майнаптуу жолу — эмдөө алуу жана эл арбын жүргөн жактарга көп барбоо экендигин айтты.
БИШКЕК, 7-дек. — Sputnik. Күз-кыш мезгилдеринде грипп жана сасык тумоо күч алат. Бала сасык тумоодон бат айыгуу үчүн эмне кылуу керек, кандай аракеттерди көрүү зарыл? Балдар дарыгери Антон Равдин Sputnik радиосунун бул суроосуна жооп берип, тескерисинче, сасык тумоону дарылоо сунушталбай тургандыгын айткан.
Анын айтымында, дене тапты түшүрүүчү дарыны дененин температурасы жогору болуп, зарылчылык жаралган учурда гана ичүү туура. Эгерде баланын эти үч күн бою ысып туруп алса, сөзсүз түрдө дарыгерге кайрылуу кажет.
"Тилекке каршы, балдарда грипптен улам вирустук пневмония аябай көп болуп жатат. Эгерде бронхит жана трахеит болсо, анда вируска каршы таблетка, ысытманы түшүрүүчү дары каражаттар жардам бере албайт. Дене тапты түшүрүүчү дарыны ар бир алты саатта берип туруу сунушталат. Бирок ага чейин температурасы көтөрүлүп, дары берүү керек болсо ибупрофен берип, андан кийин кайра баштапкы дарыга өтүү керек", — деди Равдин.
Температура түшүп, бир аз күч пайда болгондо кичинекейди сыртка алып чыгууга болот. Бирок мында башка бөбөктөргө оору жугузбоону ойлонуу зарыл, балдарга жукса, алар ата-энесине жугузат, ошентип эпидемия башталат.
Дарыгердин айтымында, сасык тумоо бат өтүп кетпейт. Оорудан кийин да алсыздык, шалдыроо көпкө чейин уланышы мүмкүн. Ошондуктан илдеттен кийин организмдин калыбына келишине маани берүү зарыл.
Тумоологон адам. Архив - Sputnik Кыргызстан, 1920, 12.11.2022
Дарыгер сасык тумоодо пайдасы тийбеген элдик каражаттарды санап берди
Жаңылыктар түрмөгү
0