Талантбеков: "баана" сөзү калканч, коргоочу дегенди билдирет
© Sputnik / Асель Сыдыкова
Жазылуу
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздү чечмелеп берди.
Манасчылар баатырларды сүрөттөөдө "баана" деген сөздү колдонушкан. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.
Талантбеков: "баана" сөзү калканч, коргоочу дегенди билдирет
Анын айтымында, бул сөздү эки мааниде колдонсо болот.
"Бул жолкуда "баана" деген сөздү чечмелейбиз. Биринчи мааниси калканч, коргонуч, калка дегенди билдирет. Ал эми экинчи маанисинде ишенич, жөлөк-таяныч, коргоочу катары колдонууга болот. Аталган көөнө сөз "Манас" эпосунда кездешет. Алсак, баатырды сүрөттөөдө: Баана болчу шер экен,/ Калкан болчу эр экен,/ Телегейи тең экен/ Жараткан өзү кыргызга,/ арнап берген эр экен", — деп айтылат. Башкача айтканда, манасчылар Манасты же башка баатырларды сыпаттоодо, сүрөттөөдө "баана" сөзүн колдонушкан", — деди Талантбеков.
Ошондой эле ал көөнө сөздөрдү колдонуу менен тилди байытууга болорун кошумчалады.
