Ысыктын илеби кайтабы? Кыргызстандагы бир жуманын аба ырайы

© Sputnik / Табылды КадырбековСейилдеп жүрөн кыз. Архив
Сейилдеп жүрөн кыз. Архив - Sputnik Кыргызстан, 1920, 25.09.2022
Жазылуу
НовостиTelegram
Келерки жумада айрым аймактардын бийик тоолуу жерлерине кар жаай турганы айтылды.
БИШКЕК, 25-сен. — Sputnik. Кыргызгидромет агенттиги келерки аптада Кыргызстанда аба ырайы кандай болорун божомолдоду.
Синоптиктердин айтканына караганда, келе жаткан жумада айрым облустардын тоолуу райондоруна жамгыр жаашы ыктымал. Дыйканчылык аймактарда жаанч-чачын күтүлбөйт. Жалпысынан күн жылуу эле болот. Бишкекте күн ачык болот. Бишкекте 27-сентябрдан тарта акырындык менен ысыктын илеби кайта баштайт. 26-сентябрда 32 градуска чейин ысык болсо, 27-сентябрда абанын температурасы дароо 10 градуска түшүп 22...24 градусту көрсөтүшү ыктымал.

Чүй, Талас облустары

Чүйдө 25-сентябрдан 29-сентябрга чейин тоолуу жерлеринде өткүн өтүшү ыктымал. Дыйканчылык аймактарда жаан-чачын күтүлбөйт. Абанын температурасы 27-сентябрдан тарта 17…22 градусту көрсөтө баштайт. Ал эми Таласта апта ичи жылуу болуп, жамгыр жаабайт. Күндүн табы 17...22 градустун тегерегинде жылуу болушу ыктымал.

Ош, Жалал-Абад, Баткен облустары

Ош облусунда 29-сентябрга чейин тоолуу жерлерине жамгыр жаашы күтүлүүдө. 29-сентябрда бийик тоолуу аймактарга кар түшө турганы айтылды. 30-сентябрда жаан-чачын күтүлбөйт. Абанын температурасы 22...24 градус жылуу болот. Ал эми Баткен облусу менен Жалал-Абадда келерки жума жылуу болуп, жаан-чачын күтүлбөйт дешти. Эки аймакта тең күндүн табы 20...25 градуска чейин ысыйт.

Нарын, Ысык-Көл облустары

Ысык-Көлдө 25-27-сентябрда күндүз айрым жерлеринде жамгыр жаашы ыктымал. 26-28-сентябрда күн ачык болорун билдиришти. Бирок 29-сентябрдан тарта күндүн көзү кайра бузулуп, айрым жерлерде жаан жаап, бийик тоолуу райондорго кар түшүшү ыктымал. 30-сентябрда да өткүн өтөрү айтылды. 1-октябрда күндүз чыгыш тарабында жамгыр, бийик тоолуу райондордо кар жаашы мүмкүн. Бирок абанын температурасы 15...20 градустун тегерегинде кармалат. Апта башында 22 градуска чейин жылуу болот. Ал эми Нарындын кээ бир жерлеринде 25-сентябрда күндүз өткүн өтүшү ыктымал. Дыйканчылык аймактарда жаан-чачын күтүлбөйт. 26-сентябрдан 1-октябрга чейин күн ачык болору айтылды. Абанын температурасы 20...22 градус жылуу болору күтүлүүдө.
Сейилдеп жүргөн адам. Архив - Sputnik Кыргызстан, 1920, 15.09.2022
Суук эрте түшөбү? Октябрь айына карата Кыргызстандагы аба ырайы
Жаңылыктар түрмөгү
0