https://sputnik.kg/20220915/zhaparov-menen-mirziev-zholuktu-lk-bashchylary-emnelerdi-talkuulady-1067898213.html
Жапаров менен Мирзиёев жолукту. Өлкө башчылары эмнелерди талкуулады
Жапаров менен Мирзиёев жолукту. Өлкө башчылары эмнелерди талкуулады
Sputnik Кыргызстан
Президенттер эки тараптуу кызматташуу маселелерин жана мамлекеттер ортосундагы бир катар ири долбоорлорду талкуулашты. 15.09.2022, Sputnik Кыргызстан
2022-09-15T20:56+0600
2022-09-15T20:56+0600
2022-09-15T21:15+0600
садыр жапаров
шавкат мирзиёев
жолугушуу
https://sputnik.kg/img/07e6/09/0f/1067896472_0:0:2835:1595_1920x0_80_0_0_c3d157cb829e35efc38fbf3ad4d3b49a.jpg
БИШКЕК, 15-сен. — Sputnik. Президент Садыр Жапаров менен Өзбекстандын башчысы Шавкат Мирзиёев жолукту. Бул тууралуу өлкө башчынын маалымат кызматынан кабарлады.Өлкө лидерлери кыргыз-өзбек эки тараптуу кызматташтыгынын актуалдуу багыттарын талкуулап, Өзбек-Кыргыз өнүктүрүү фондунун ишмердүүлүгүн кеңейтүүнүн маанилүүлүгүн сөз кылды.Ал эми президент Садыр Жапаров кыргыз-өзбек мамилеси баарынан мурда тыгыз тарыхый, маданий жана руханий байланыштар менен шартталганын айтты."Биз элдерибиздин ортосундагы достукту, биримдикти жана бир туугандык байланыштарды ар дайым баалайбыз жана колдойбуз. Бул биздин жалпы мурасыбыз. Бүгүнкү күндө Кыргызстан менен Өзбекстан жакын коңшулар, бекем достор жана стратегиялык өнөктөштөр", — деди Жапаров.Мамлекет башчылары Кытай-Кыргызстан-Өзбекстан темир жолун жана Камбар-Ата ГЭС-1ди куруу долбоорлорун ишке ашыруунун маанилүүлүгүнө өзгөчө көңүл бурушту. Бул жана башка долбоорлорду тез арада ишке ашыруу эки өлкөнүн гана эмес, бүтүндөй Борбор Азиянын өнүгүүсүнө өбөлгө болорун белгилешти.
https://sputnik.kg/20220915/putin-zhaparov-zholugushuu-sammit-kyzmattashtyk-1067889978.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
садыр жапаров, шавкат мирзиёев, жолугушуу
садыр жапаров, шавкат мирзиёев, жолугушуу
Жапаров менен Мирзиёев жолукту. Өлкө башчылары эмнелерди талкуулады
20:56 15.09.2022 (Жаңыртылды: 21:15 15.09.2022) Президенттер эки тараптуу кызматташуу маселелерин жана мамлекеттер ортосундагы бир катар ири долбоорлорду талкуулашты.
БИШКЕК, 15-сен. — Sputnik. Президент Садыр Жапаров менен Өзбекстандын башчысы Шавкат Мирзиёев жолукту. Бул тууралуу өлкө башчынын маалымат кызматынан кабарлады.
Өлкө лидерлери кыргыз-өзбек эки тараптуу кызматташтыгынын актуалдуу багыттарын талкуулап, Өзбек-Кыргыз өнүктүрүү фондунун ишмердүүлүгүн кеңейтүүнүн маанилүүлүгүн сөз кылды.
"Шавкат Мирзиёев “Кытай-Кыргызстан-Өзбекстан” темир жолун куруу боюнча үч тараптуу макулдашуунун түзүлгөнүн канааттануу менен белгиледи. Тараптарга пайда алып келе турган бул масштабдуу долбоорду активдүү ишке ашырууга өзбек тараптын кызыкдар экени айтылды. Мындан тышкары, Өзбекстандын лидери эки өлкөнүн энергетикада, анын ичинде ири долбоорлорду ишке ашыруудагы кызматташуусун тереңдетүүнүн, ошондой эле эки өлкө региондорунун, өзгөчө чек арага жакын облустардын жана райондордун ортосундагы кызматташтыкты активдештирүүнүн маанилүүлүгүн белгиледи", — деп жазылат маалыматта.
Ал эми президент Садыр Жапаров кыргыз-өзбек мамилеси баарынан мурда тыгыз тарыхый, маданий жана руханий байланыштар менен шартталганын айтты.
"Биз элдерибиздин ортосундагы достукту, биримдикти жана бир туугандык байланыштарды ар дайым баалайбыз жана колдойбуз. Бул биздин жалпы мурасыбыз. Бүгүнкү күндө Кыргызстан менен Өзбекстан жакын коңшулар, бекем достор жана стратегиялык өнөктөштөр", — деди Жапаров.
Мамлекет башчылары Кытай-Кыргызстан-Өзбекстан темир жолун жана Камбар-Ата ГЭС-1ди куруу долбоорлорун ишке ашыруунун маанилүүлүгүнө өзгөчө көңүл бурушту. Бул жана башка долбоорлорду тез арада ишке ашыруу эки өлкөнүн гана эмес, бүтүндөй Борбор Азиянын өнүгүүсүнө өбөлгө болорун белгилешти.
