Коло буюрган жок. Айсулуу Тыныбекова атаандашына утулуп калды

© Фото / United World Wrestling / Kadir CaliskanКыргызстандык балбан Айсулуу Тыныбекова. Архив
Кыргызстандык балбан Айсулуу Тыныбекова. Архив - Sputnik Кыргызстан, 1920, 14.09.2022
Жазылуу
НовостиTelegram
Белгилей кетсек, буга чейин Айсулуу Тыныбекова кыз-келиндер күрөшүнөн эки ирет (2019, 2021) дүйнө чемпиону болгон.
БИШКЕК, 14-сен. — Sputnik. Кыргызстандык балбан Айсулуу Тыныбекова дүйнө чемпионатында коло үчүн кармашта украиналык спортчу Илона Прокопевнюкка 8:7 эсебинде утулуп калды.
Башында атаандашы 1:0 менен жеңип, кийинчерээк Айсулуу 2:1 менен алдыга чыккан. Ал ортодо украиналык балбан эсепти 7:2 кылып алдыга кетти. Ага карабай Тыныбекова болгон күчүн жумшап, эсепти теңеген. Соңунда Айсулуу тарап калыстардын чечимине нааразы болуп чыкты. Күрөштүн эрежеси боюнча, эгер кайталоону көргөндөн кийин калыстар нааразычылыкка макул эмес болсо, ал тараптын атаандашына бир упай берилет. Ошол себептен Прокопевнюк 8:7 эсебинде жеңип кетти.
Тыныбекова буга чейин жарым финалда да япониялык атаандашы Нонока Озакиге 5:11 упай менен жеңилип, алтын медаль үчүн күрөшө албай калган. Балбан 1/8 финалда болгариялык Биляна Живкова Дудованы 3:2 упай менен, чейрек финалда германиялык Луиза Хельга Герда Неймехти 4:0 упай эсебинде жеңген. Чемпионат ушул тапта Сербиянын борбору Белград шаарында өтүүдө. Тыныбекова килемде 62 килограмм салмакта кармашты.
Белгилей кетсек, буга чейин Айсулуу Тыныбекова кыз-келиндер күрөшүнөн эки ирет (2019, 2021) дүйнө чемпиону болгон.
Кыргызстандык балбан Жоламан Шаршенбеков. Архивное фото - Sputnik Кыргызстан, 1920, 13.09.2022
Атаандашын караандаткан жок! Жоламандын алтын уткан видеосу
Жаңылыктар түрмөгү
0