Жаңы министр Сабырбек Жумабековдун кызматка кайтышы мүмкүн экенин кыйытты

© Sputnik / Нургуль МаксутоваОртопед Сабырбек Жумабеков. Архив
Ортопед Сабырбек Жумабеков. Архив - Sputnik Кыргызстан, 1920, 07.09.2022
Жазылуу
НовостиTelegram
Жумабеков февраль айында кызматтан алынып, ал жетектеген оорукана реструктризацияланган.
БИШКЕК, 7-сен. — Sputnik. Депутат Марат Мураталиев саламаттык сактоо министри кызматына бараткан Гүлнара Баатыровадан ортопед Сабырбек Жумабековдун кызматтан алынышы боюнча пикирин сурады.
"Сабыр Артистбековичти абдан сыйлайм. Кыргызстандагы эң мыкты травматолог, бизде эле эмес чет өлкөлөрдө дагы таанымал академик, профессор. Азыр травматологиянын жарымы Бишкек шаардык тез жардам ооруканасына, жарымы Улуттук госпиталга келди. Травматологдорду чогултуп, маселени кайра карайлы деген оюм бар. Сабыр Артистбековичтин кызматын колдо бар алтындай көрүп пайдаланышыбыз керек. Мындай мыкты адистерибизди сөзсүз түрдө баалашыбыз зарыл", — деди Баатырова.
Эске салсак, үстүбүздөгү жылдын башында Бишкек Травматология жана ортопедия илим-изилдөө борбору Шаардык клиникалык тез жардам ооруканасы болуп кайра түзүлгөн. Ошол кездеги саламаттык сактоо министри Алымкадыр Бейшеналиев борбордун жетекчиси Сабырбек Жумабековду иштен алып, ордуна Памир Муратовду дайындаган.
Дарыгер. Иллюстративдик сүрөт - Sputnik Кыргызстан, 1920, 07.09.2022
Жакында көп жыл иштеген оорукана жетекчилери кетип, сынак менен дайындалат
Жаңылыктар түрмөгү
0