Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

The Wall Street Journal: Европадагы абал эң начар сценарий менен бара жатат

© Sputnik / Алексей ВитвицкийТүндүк агым газопроводу. Архив
Түндүк агым газопроводу. Архив - Sputnik Кыргызстан, 1920, 06.09.2022
Жазылуу
Европа мамлекеттери Россиядан газ алууну токтотуудан улам келип чыккан энергетикалык соккуну жумшартууга аракет кылууда. Германия мурда жабылган эки атомдук электр станциясынын иштөө мөөнөтүн узартты.
БИШКЕК, 6-сен. — Sputnik. "Түндүк агым" газ куурунун ишинин токтотулушу Европа өлкөлөрү үчүн эң жаман сценарийди ишке ашырганы турат. Бул тууралуу америкалык The Wall Street Journal басылмасындагы макалага шилтеме берип РИА Новости жазды.
Автор "Түндүк агым" жабылары жарыялангандан кийин жаратылыш газы менен электр энергиясынын баасы аз-аздан кымбаттап отуруп он пайыздан ашканын байкаган. Бул евро курсунун рекорддук төмөндөшүнө алып келди. Жакында бул инфляциянын өсүшүнө, элдин жакырлануусуна жана заводдордун жабылуусуна кептеши мүмкүн.
Макалада айтылгандай, Европа мамлекеттери Россиядан газ алууну токтотуудан улам келип чыккан энергетикалык соккуну жумшартууга аракет кылууда. Германия мурда жабылган эки атомдук электр станциясынын иштөө мөөнөтүн узартты. Бийлик аялуу катмардагы үй-бүлөлөрдү жана ишканаларды колдоо үчүн 65 миллиард доллар бөлдү.
"Негизги максат — европалык бизнести жабууга мажбур кылган кризисти ооздуктоо. Кайра жаралуучу, атомдук жана гидроэнергетикалык компаниялар тапкан кирешеге дагы кол салышат. Мисалы, пайда катары түшкөн акча белгилүү бир деңгээлден ашса, аны бийлик алып туруп, керектөөчүлөр арасында кайра бөлүштүрүлөт", — делет макалада.
Россия 24-февралда Украинага карата атайын операцияны баштаган соң ага жооп катары Батыш өлкөлөрү Москвага үстөккө-босток санкция салган. Анын алкагында Европа мамлекеттери Россиянын энергия булактарынан баш тартууну көздөшкөн.
Анткен менен санкция кээрин Батыш өзү да тартып, кесепети элди кыйнай баштады. Мисалы, электр энергиясы кымбаттап, инфляция өстү. Бул нерсе негизинен каржы секторуна жана жогорку технологиялык продуктуларды жеткирүүгө терс таасирин тийгизди. Россиянын президенти Владимир Путин Россияны ооздуктоо жана алсыздандыруу саясаты миллиондогон адамдардын жашоосун начарлатып жатканын айтып келет.
Берлиндеги Рейхстагдын имараты. Архив - Sputnik Кыргызстан, 1920, 05.09.2022
Россиянын Донбассты коргоо боюнча атайын операциясы
"Путиндин күлкүсү келип отурса керек". Бундестагдагы нааразычылык
Жаңылыктар түрмөгү
0