Ата-эненин мерездиги баланы аракечтикке жеткирет. Иликтөө

CC0 / Free-Photos / Жаш бала. Иллюстративдик сүрөт
Жаш бала. Иллюстративдик сүрөт - Sputnik Кыргызстан, 1920, 28.08.2022
Жазылуу
Психоактивдүү заттарды колдонууну көзөмөлдөй албоо, уйкунун бузулушу жана депрессия да бала кезде алган психологиялык жактан жабырлануунун кесепети болушу ыктымал.
БИШКЕК, 28-авг. — Sputnik. 12 жашка чейин өзүн жалгыз сезген бала кийин бойго жеткенде ичкиликке жакын болушу мүмкүн. Аризон университетинин психологдор тобу бир катар изилдөөлөрдөн кийин ушундай тыянакка келген.
Адистердин айтымында, кандайдыр бир психоактивдүү заттарды колдонууну көзөмөлдөй албоо, уйкунун бузулушу жана депрессия бала кезде алган психологиялык жабырлануунун кесепети болушу ыктымал. Бул көз карандылык эркектерге караганда аялдарда көбүрөөк байкала турганы белгиленет.
Психолог Елена Толстая "Российская газета" басылмасына жалгыздык баланын жүрүм-турумуна кандай таасир этерин түшүндүргөн.
"Илимде мээ жалгыздыкты оору сыяктуу кабыл ала турганы далилденген. Ал бала ымыркай кезинде эле ата-эне наристенин жашоосуна керектүү болгон негизги нерселерин: тамак-аш, жалаяк, жылуу сөз, камкордук жана башка муктаждыктарын канааттандырбаса пайда болушу мүмкүн", — деп түшүндүрдү Толстая.
Ошондой эле психолог ата-энелерге бала чоңоюп баштаганда кайсы нерселерге көңүл буруп аракет көрө башташы керек экенин айтып берди.
бала түнт болуп сиз менен сүйлөшпөй калса;
мурда кызыккан нерселерин таштап салса;
сизди жанынан такыр чыгаргысы келбесе;
капаланып, бөлмөсүнөн чыкпай калса;
бир жери ооруп атканын айтат, бирок ден соолугу жайында эле болот.
Психолог ата-энелерди балдарга колдон келишинче жакын болуп, кайгысын дагы, кубанычын да чогуу сезүүгө кеңеш берди.
Тамактанып жаткан кыз. Архив - Sputnik Кыргызстан, 1920, 23.08.2022
Психолог: баланы тамактандыруу үчүн мультфильмге алаксытуу туура эмес
Жаңылыктар түрмөгү
0