https://sputnik.kg/20220819/kyrgyzstan-altyn-eksportu-tushunuksuz-zhagday-1066949857.html
Алтын экспорту 19,2 тоннага көбөйгөн, бирок ким алганы белгисиз. Статком сандары
Алтын экспорту 19,2 тоннага көбөйгөн, бирок ким алганы белгисиз. Статком сандары
Sputnik Кыргызстан
Статкомдун жаңыланган маалыматында буга чейин айтылган сандар өзгөрүп, түшүнүксүз жагдай жаралды. 19.08.2022, Sputnik Кыргызстан
2022-08-19T16:44+0600
2022-08-19T16:44+0600
2022-08-19T17:31+0600
экономика
алтын
экспорт
улуттук статистика комитети
сатуу
https://sputnik.kg/img/07e5/05/14/1052551171_0:1118:2048:2270_1920x0_80_0_0_74972a3a6cee4475d13054f9908eb212.jpg
БИШКЕК, 19-авг. — Sputnik. Улуттук статистика комитетинин жаңыланган маалыматы боюнча алтындын экспорту 2021-жылга карата кескин өзгөрдү.Төмөндө көрсөтүлгөн скриншотту чечмелей турган болсок, биринчи катарда экспорттун көлөмү, экинчиде ал көлөмдүн баасы, үчүнчүдө баасы доллар түрүндө, төртүнчүдө былтыр ушул эле мезгилде экспорттолгон көлөм, бешинчи жана алтынчыда сом жана доллар менен көрсөтүлгөн.2022-жылдын февралында Кыргызстан өткөн жылы 5 тонна 646,7 килограмм алтынды чет өлкөлөргө 308 миллион долларга сатканы кабарланган.Деген менен ал маалымат өзгөртүлдү. Статкомдун "Кыргызстандын бардык өлкөлөр менен 2021-жылдагы (такталган жыйынтык) сырткы жана өз ара соода" бөлүмүндө башкача сандар көрсөтүлүп жатат. Ага ылайык, өткөн жылы 24 тонна 846,7 килограмм алтын 1,4 миллиард долларга экспорттолгон.Мурунку жана жаңы маалыматтын ортосундагы айырмасы 19,2 тоннаны түзүп жатат. Дал ушундай көлөмдөгү алтын "аты аталбаган өлкөлөргө сатылды" деп жазылган.Мындан башка дагы түшүнүксүз жагдайлар жаралды. Алтын экспорту тууралуу өткөн жылкыга салыштырылып берилген соңку маалыматтарды (январь-май жана январь-июнь) алып карап көрөлү.2021-жылдын январь-июну — 4 тонна 141,9 килограмм (мурунку маалымат).Демек, июнда алты килограммдай эле сатышкан. Бирок жаңыланган маалыматта январь-июндагы экспорт 17 тонна 121,9 килограммды түздү. Бул июнда эле 13 тонна алтын сатылганын түшүндүрөт.Эмне үчүн маанилүү?Сандардын минтип өзгөрүшүндө эмне мынча чоң айырма болуп жатканы таң калтырууда.Экинчи түшүнүксүз жагдай: 19,2 тонна алтынды кайсы өлкөлөргө сатканы көрсөтүлгөн эмес. "Аты аталбаган өлкөлөр" деген сөздү Статком буга чейин да колдонуп келген, бирок экспорт/импорттун анча маанилүү эмес көлөмүн ушинтип жазчу. Бирок мында жалпы экспорттун 80 пайызы кайда жөнөтүлгөнү такталган эмес. Ошол эле учурда 30 килограммдын тегерегинде сатып алган Италия, Россия жана Түркия өлкөлөрү жазылган.Үчүнчү жагдай: алтындын мынча көлөмү каяктан алынды? Мисалы, расмий маалымат боюнча эң ири алтын кен Кумтөрдөн 2021-жылдын ичинде 468 миңден ашыгыраак унций казылган. Унцийдин бир нече түрү бар, биз зергерлер көп колдонгон 31,1 граммдык трой унциясын эсептеп көрдүк. Анда 14,6 тоннадан азыраак чыгып жатат.Кечээ, 18-августта, Sputnik Кыргызстан Улуттук статистика комитетине, "Кыргыз алтын" ишканасына, Финансы министрлигине, "Улуу көчмөндөр мурасы" холдингине (Кумтөрдү казуу менен алектенген) сурам жөнөтүп, баалуу металл экспорту боюнча түшүнүксүз кырдаалды түшүндүрүп беришин өтүндү. Анын жообу келери менен жарыялайбыз.Эске салсак, былтыр май айында Кумтөргө сырткы башкаруу киргизилген. Ал эми сентябрда Баалуу металлдар рыногунун Лондон ассоциациясы (LBMA) "Кыргыз алтын" аффинаж заводун алтын саткан ишенимдүү тарап катары макамынан ажыраткан. Деген менен жаңы жана эски маалыматтар боюнча, Улуу Британияга алтын сатуу 2021-жылдын жайында эле токтогон.
https://sputnik.kg/20220729/kumtor-birotolo-kyrgyzstanga-ottu-1066415091.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
экономика, алтын, экспорт, улуттук статистика комитети, сатуу
экономика, алтын, экспорт, улуттук статистика комитети, сатуу
Алтын экспорту 19,2 тоннага көбөйгөн, бирок ким алганы белгисиз. Статком сандары
16:44 19.08.2022 (Жаңыртылды: 17:31 19.08.2022) Статкомдун жаңыланган маалыматында буга чейин айтылган сандар өзгөрүп, түшүнүксүз жагдай жаралды.
БИШКЕК, 19-авг. — Sputnik. Улуттук статистика комитетинин
жаңыланган маалыматы боюнча алтындын экспорту 2021-жылга карата кескин өзгөрдү.
Төмөндө көрсөтүлгөн скриншотту чечмелей турган болсок, биринчи катарда экспорттун көлөмү, экинчиде ал көлөмдүн баасы, үчүнчүдө баасы доллар түрүндө, төртүнчүдө былтыр ушул эле мезгилде экспорттолгон көлөм, бешинчи жана алтынчыда сом жана доллар менен көрсөтүлгөн.
2022-жылдын февралында Кыргызстан өткөн жылы 5 тонна 646,7 килограмм алтынды чет өлкөлөргө 308 миллион долларга сатканы кабарланган.
Деген менен ал маалымат өзгөртүлдү. Статкомдун "Кыргызстандын бардык өлкөлөр менен 2021-жылдагы (такталган жыйынтык) сырткы жана өз ара соода" бөлүмүндө башкача сандар көрсөтүлүп жатат. Ага ылайык, өткөн жылы 24 тонна 846,7 килограмм алтын 1,4 миллиард долларга экспорттолгон.
Мурунку жана жаңы маалыматтын ортосундагы айырмасы 19,2 тоннаны түзүп жатат. Дал ушундай көлөмдөгү алтын "аты аталбаган өлкөлөргө сатылды" деп жазылган.
Мындан башка дагы түшүнүксүз жагдайлар жаралды. Алтын экспорту тууралуу өткөн жылкыга салыштырылып берилген соңку маалыматтарды (январь-май жана январь-июнь) алып карап көрөлү.
2021-жылдын январь-июну — 4 тонна 141,9 килограмм (мурунку маалымат).
Демек, июнда алты килограммдай эле сатышкан. Бирок жаңыланган маалыматта январь-июндагы экспорт 17 тонна 121,9 килограммды түздү. Бул июнда эле 13 тонна алтын сатылганын түшүндүрөт.
Сандардын минтип өзгөрүшүндө эмне мынча чоң айырма болуп жатканы таң калтырууда.
Экинчи түшүнүксүз жагдай: 19,2 тонна алтынды кайсы өлкөлөргө сатканы көрсөтүлгөн эмес. "Аты аталбаган өлкөлөр" деген сөздү Статком буга чейин да колдонуп келген, бирок экспорт/импорттун анча маанилүү эмес көлөмүн ушинтип жазчу. Бирок мында жалпы экспорттун 80 пайызы кайда жөнөтүлгөнү такталган эмес. Ошол эле учурда 30 килограммдын тегерегинде сатып алган Италия, Россия жана Түркия өлкөлөрү жазылган.
Үчүнчү жагдай: алтындын мынча көлөмү каяктан алынды? Мисалы, расмий маалымат боюнча эң ири алтын кен Кумтөрдөн 2021-жылдын ичинде 468 миңден ашыгыраак унций казылган. Унцийдин бир нече түрү бар, биз зергерлер көп колдонгон 31,1 граммдык трой унциясын эсептеп көрдүк. Анда 14,6 тоннадан азыраак чыгып жатат.
Кечээ, 18-августта, Sputnik Кыргызстан Улуттук статистика комитетине, "Кыргыз алтын" ишканасына, Финансы министрлигине, "Улуу көчмөндөр мурасы" холдингине (Кумтөрдү казуу менен алектенген) сурам жөнөтүп, баалуу металл экспорту боюнча түшүнүксүз кырдаалды түшүндүрүп беришин өтүндү. Анын жообу келери менен жарыялайбыз.
Эске салсак, былтыр май айында Кумтөргө сырткы башкаруу киргизилген. Ал эми сентябрда Баалуу металлдар рыногунун Лондон ассоциациясы (LBMA) "Кыргыз алтын" аффинаж заводун алтын саткан ишенимдүү тарап катары макамынан ажыраткан. Деген менен жаңы жана эски маалыматтар боюнча, Улуу Британияга алтын сатуу 2021-жылдын жайында эле токтогон.
