Президенттик администрация: Бейшеналиевдин маселеси кийинки жумада чечилет

© Фото / пресс-служба Жогорку КенешаКызматынан четтетилген министр Алымкадыр Бейшеналиев. Архивдик сүрөт
Кызматынан четтетилген министр Алымкадыр Бейшеналиев. Архивдик сүрөт - Sputnik Кыргызстан, 1920, 17.08.2022
Жазылуу
Буга чейин Бейшеналиев кайрадан саламаттык сактоо министри болууга, жумушка чыгууга даяр экенин маалымдаган.
БИШКЕК, 17-авг. — Sputnik. Кызматынан четтетилген министр Алымкадыр Бейшеналиевдин маселеси боюнча чечим кийинки жумада кабыл алынышы ыктымал. Бул тууралуу Sputnik Кыргызстан агенттигине президенттин маалымат катчысы Эрбол Султанбаев билдирди.
Белгилей кетсек, 16-августта, кызматынан четтетилген министрдин жактоочусу ИИМ министрге карата козголгон кылмыш ишин кыскартканын билдирип, ал кайрадан cаламаттык сактоо министри болууга толук укуктуу экенин белгилеген. Көп өтпөй Алымкадыр Бейшеналиев кайрадан министр катары жумушка чыгууга даяр экенин маалымдап, президенттин чечимин күтүп жатканын кошумчалаган.
Мындан улам Sputnik Кыргызстан агенттиги президенттин маалымат кызматынан мамлекет башчы Бейшеналиевдин маселеси боюнча качан жана кандай чечим кабыл алынарын сураган.
"Кызматынан четтетилген министр Алымкадыр Бейшеналиевдин маселеси боюнча чечим кийинки жумада кабыл алынышы ыктымал", — деди президенттин маалымат катчысы Эрбол Султанбаев.
Эске салсак, Башкы прокуратура саламаттык сактоо министри Алымкадыр Бейшеналиевди кармап, ага жети кылмыш ишин козгогон. Министр бюджеттик каражатты мыйзамсыз түрдө адалдоо ыкмасын уюштурду деп колго түшүрүлгөн. Кеп вакцинаны негизсиз сатып алуу тууралуу болуп жатат.
Кийинчерээк мамлекет башчы Жапаров Зулушевди Бейшеналиевге карата кылмыш иши тергелип бүткүчө кызматтан убактылуу четтеткен. Буга экөөнүн мамилеси себеп болгон. Эки саясатчынын чатагынын төркүнүн биздин материалдан окуңуз.
14 күндөн кийин Бейшеналиев үй камагына чыгып, Зулушев кызматына кайткан. Ал арада президент атайын комиссия түзүп, бул жагдайды иликтеткен. 16-июнда аталган комиссия өз ишин жыйынтыктаган.
Саламаттык сактоо министри Алымкадыр Бейшеналиев. Архив - Sputnik Кыргызстан, 1920, 25.06.2022
Президент Зулушев менен Бейшеналиевдин тирешин балдардын урушу катары сыпаттады
Жаңылыктар түрмөгү
0