Германия: Европанын газ рыногунун кооптуу келечеги туурасында эскертүү айтылды

© AP Photo / ECKEHARD SCHULZЖер астындагы газ сактоочу жай. Архив
Жер астындагы газ сактоочу жай. Архив - Sputnik Кыргызстан, 1920, 17.07.2022
Жазылуу
Yandex newsTelegram
Хютердин пикиринде, эгерде ЕБдин мүчөлөрү өзүнүн кызыкчылыгын гана ойлоп туруп алса бизнес жана керектөөчүлөр болуп көрбөгөндөй кыйын абалда калат.
БИШКЕК, 17-июл. — Sputnik. Эгерде ЕБдин бир катар мамлекеттери энергоресурстар тартыш болуп жатканда башка өлкөлөр менен бөлүшпөсө Европанын газ рыногу болуп көрбөгөндөй зыянга учурап, урап түшөт. Бул тууралуу Германиянын экономика институтунун директору Михаэль Хютер Welt am Sonntag басылмасына курган маегинде айтканын РИА Новости жазды.
"ЕБдин бир катар мүчөлөрү коңшу мамлекеттерге берүүсүн токтоткон кырдаал жаралбашы керек. Буга газды башкалар менен бөлүшүп жаткан Европа жана Германия да кызыкдар болушу лаазым", — деген экономист.
Хютердин пикиринде, эгерде ЕБдин мүчөлөрү өзүнүн кызыкчылыгын гана ойлоп туруп алып, мындай каатчылык болуп турган заманда энергияны бууп коюшса, бизнес жана керектөөчүлөр болуп көрбөгөндөй кыйын абалда калышат.
Буга чейин германдык Handelsblatt басылмасы Европа өлкөлөрү тилектештик келишимин түзүп жатканда кыйынчылыкка тушугуп жаткандыгын жазган. Ал — каатчылыктын фонунда энергетика ресурстарын үзгүлтүксүз берүүнү камсыздашы керек эле.
Россиянын Украинаны демилитаризация жана денацификациялоо боюнча атайын операциясынан кийин Батыш Москвага карата санкцияларды көбөйттү. Көп мамлекеттер россиялык активдерди иштетпей, эсептерди жаап коюшканын жар салды, бир катарлары Москванын энергоресурстарынан баш тартууга чакырышты. Мындай кадам Батыштын өзүнө эле зыян келтирди, инфляция өсүп, азык-түлүк, отун катары пайдаланылган продукциялар кымбаттады.
Германияда Түндүк Агым 2 газ түтүгүнүн курулушу. Архивдик сүрөт - Sputnik Кыргызстан, 1920, 07.04.2022
Германиялыктарга Россиядан газ келбесе эмнеге тушугарын айтып беришти
Жаңылыктар түрмөгү
0