Коронавирус Кыргызстанда баш көтөрдү. Ооругандардын көбү Бишкекте

© Sputnik / Евгений Одиноков / Медиабанкка өтүүКоронавируска кабылган бейтаптарды караган медик. Архивдик сүрөт
Коронавируска кабылган бейтаптарды караган медик. Архивдик сүрөт - Sputnik Кыргызстан, 1920, 11.07.2022
Жазылуу
Акыркы суткада өлкөдө жалпы 14 адамдан COVID аныкталган.
БИШКЕК, 11-июл. — Sputnik. Республикалык штаб Кыргызстанда коронавирус кайрадан баш көтөрө баштаганын маалымдады.
"Өлкөнүн бардык облустары жашыл зонада. Бирок оору жуктургандардын саны акыркы жумада көбөйө баштаганы байкалууда", — деп айтылат маалыматта.
Акыркы суткада өлкөдө жалпы 14 адамдан COVID аныкталган. Анын баары Бишкек шаарында. Бейтаптардын бирөө ооруканада дарыланып жатса, 13ү медициналык жардамды амбулатордук шартта алууда. Илдет илештиргендердин ичинен экөө гана эки ирет вакцина сайдырганы айтылды.
Ооругандардын жаш курагы:
18-29 жаш – 3;
30-64 жаш – 9;
65 жаштан жогоркулар – 2.
Пандемия башталгандан бери өлкөдө жалпы 201 215 адам коронавирус жуктурган.
Илдеттин кесепетинен каза болгондор 1,5 пайызды түзөт.
ПЦР-тест тапшыруу. Архивдик сүрөт - Sputnik Кыргызстан, 1920, 11.07.2022
Республикалык штаб ПЦР-тест тууралуу маанилүү маалымат таратты
Жаңылыктар түрмөгү
0