Эрдоган: Түркия НАТОдогу өнөктөштөрүнөн күткөндөй колдоо тапкан жок

© Sputnik / Алексей Филиппов / Медиабанкка өтүүТүкриянын президенти Режеп Тайип Эрдоган. Архив
Түкриянын президенти Режеп Тайип Эрдоган. Архив - Sputnik Кыргызстан, 1920, 23.05.2022
Жазылуу
Түркия терроризм менен күрөшүү боюнча дипломатиялык билдирүүлөрдү эмес, НАТОнун конкреттүү кадамдарын көргүсү келет.
БИШКЕК, 23-май — Sputnik. Түркия НАТОдогу өнөктөштөрүнөн коргонууда да, терроризмге каршы күрөштө да күткөн колдоону көргөн жок. Бул тууралуу өлкө президенти Режеп Тайип Эрдоган билдиргенин РИА Новости жазды.
"Түркия союздаштарынан террорчулукка каршы 40 жылдык күрөштө дагы колдоо көргөн жок. Өлкөбүз бир нече жолу ачык жана тымызын санкцияларга, коркутууларга, кысымдарга дуушар болду", — деди Эрдоган.
Түркия терроризм менен күрөшүү боюнча дипломатиялык билдирүүлөрдү эмес, НАТОнун конкреттүү кадамдарын көргүсү келет.
"НАТОго мүчөлүк акы төлөп жаткан өлкө катары биз ачык дипломатиялык билдирүүлөрдү эмес, конкреттүү кадамдарды көргүбүз келет. НАТОдо жана биз мүчө болгон эл аралык уюмдарда өтө маанилүү ролубуз ачык көрүнүп турганы менен айрым союздаштарыбыз биздин кызыкчылыкты ойлобой жатат. Швециянын бизге каршы санкцияларын унутта калтыра албайбыз", — деди Түркия лидери.
Эске салсак, 15-майда Швеция менен Финляндия Түндүк Атлантика альянсына кире турганы боюнча биринин артынан экинчиси маалымат тараткан. Бирок буга НАТОго мүчө болгон бир катар өлкөлөр, анын ичинен Италия нааразылыгын, Түркия каршы экендигин билдирген. Өлкөлөрдүн союзга бардык мүчөлөрүнүн бир добуштан макулдугусуз кабыл алынышы мүмкүн эмес.
Бразилиялык модель Алессандра Амбросио Канндагы кинофестивалда кызыл килемде туруп сүрөткө түшүп жатат - Sputnik Кыргызстан, 1920, 23.05.2022
Колго түшкөн "азовчулардан" тарта аймара модасына чейин. Апта ирмеми
Жаңылыктар түрмөгү
0