Швеция НАТОго кирүү чечимин кабыл алганын билдирди

CC BY-SA 2.0 / Guillaume Baviere/ Stockholm. På Saltsjön / Швециянын желеги. Архив
Швециянын желеги. Архив - Sputnik Кыргызстан, 1920, 15.05.2022
Жазылуу
Бүгүн Финляндия да НАТОго кирүү чечимин кабыл алганын расмий жар салган. shvetsiyanyn-natogo-kire-turganyn-sotsial-demokratiyalyk-partiyasy-aytuuda
БИШКЕК, 15-май — Sputnik. Швециянын Түндүк атлантикалык альянска кошулууга чечим кабыл алгандыгы башкаруучу Социал-демократиялык партиянын билдирүүсүндө айтылды. Бул туурасында РИА Новости жазды.

"Бүгүн, 15-майда болгон отурумунда, Социал-демократиялык партиянын башкармалыгы аталган саясий бирикме Швециянын НАТОго мүчө болушу үчүн арыз берүү жаатында иш алып барууну чечти", — деп айтылган расмий билдирүүдө.

Бүгүн бир аз мурдараак Финляндия НАТОго кирүү чечимин кабыл алганын расмий жар салган.
Эскерте кетсек, Стокгольм менен Хельсинки көп жылдык нейтралдуулуктан баш тартып, НАТОго кирүү мүмкүнчүлүгү боюнча кеп кыла баштаган эле. Альянстын башкы катчысы Йенс Столтенберг бул мамлекеттер аскердик блокко кирүүнү кааласа НАТО аларды тез кабыл алууну камсыздай турганын билдирген. АКШнын НАТОдогу туруктуу өкүлү Жулиан Смиттин айтымында, уюм Швеция менен Финляндия жакынкы айларда же жумада альянска кирүү боюнча өз алдынча чечим чыгарат деп күтүүдө. Ал Кошмо Штаттар бул мамлекеттердин НАТОго кошулуу чечимин колдой турганын кошумчалаган.
Россия эки өлкөнүн НАТОго кошулушун колдобойт. РФтин Коопсуздук кеңешинин төрагасынын орун басары Дмитрий Медведев эгер бул нерсе ишке аша турган болсо, чек араны бекемдөөгө туура келерин айткан. Себеби альянстын Россия менен болгон кургактагы чек арасы эки эсе узаргандыктан Москва НАТОнун агрессивдүү аракеттерине даяр турушу керек болот.
Түркиянын тышкы иштер министри Мевлүт Чавушоглу. Архив - Sputnik Кыргызстан, 1920, 15.05.2022
Түркия ТИМи: Финляндия, Швециянын НАТОго мүчөлүгү боюнча Анкара соодалашпайт
Жаңылыктар түрмөгү
0