Казакстан кумшекерди сыртка алып чыгууга убактылуу тыюу салды

Кумшекер. Архив - Sputnik Кыргызстан, 1920, 13.05.2022
Жазылуу
Yandex newsTelegram
Буга чейин Казакстандын айыл чарба министри өлкөдө колдонулган кумшекердин 58 пайызы сырттан алып келинерин белгилеген.
БИШКЕК, 13-май — Sputnik. Казакстан өлкөдөн кумшекерди сыртка алып чыгууга алты айга чейин тыюу салды. Бул тууралуу Sputnik Казакстан жазды.
Аталган буйрукка коңшу мамлекеттин айыл чарба министри 4-майда кол койгон.

"Казакстандын Айыл чарба министрлигине Евразия экономикалык комиссиясына аталган чектөөнү киргизүү боюнча кабарлап коюу тапшырылган. Буйрук күчүнө документ расмий жарыяланган соң, 10 календардык күндөн кийин кирет", — деп айтылат маалыматта.

Буга чейин айыл чарба министри Казакстанда колдонулган кумшекердин 58 пайызы сырттан алып келинерин белгилеген.
Августтун аягына чейин Казакстанга ЕАЭБге кирбеген мамлекеттерден бажы төлөмү жок 250 миң тонна кумшекер алып келүүгө мүмкүн болот.
Казакстандан Кыргызстанга канча кумшекер алып келинет?
Улуттук статистикалык комитеттин маалыматына караганда, ушул жылдын январь-февраль айларында Кыргызстанга 4,2 миң тонна кумшекер импорттолгон. Анын 15,4 пайызы Казакстандан келген.
ЕАЭБ мамлекеттеринин желектери. Архив - Sputnik Кыргызстан, 1920, 11.05.2022
Казакстан ЕАЭБден чыгары тууралуу маалыматты төгүндөдү
Жаңылыктар түрмөгү
0