Украина аркылуу өткөн газдын транзити эмне болууда. "Газпром" үн катты

© Sputnik / Кирилл Каллиников "Газпром" компаниясынын офиси. Архив
 Газпром компаниясынын офиси. Архив - Sputnik Кыргызстан, 1920, 11.05.2022
Жазылуу
Украина тарап форс-мажордук кырдаалга шылтап, "Сохрановка" станциясы аркылуу транзит үчүн газды кабыл алууну токтоторун айтып башка вариант сунуштады.
БИШКЕК, 11-май — Sputnik. "Газпромдун" расмий өкүлү Сергей Куприянов Украина аркылуу өткөн газ транзитине байланышкан кырдаал боюнча комментарий берди. Анын айткандары компаниянын Telegram каналына жарыяланды.
Анын айтымында, Украина тарап форс-мажордук кырдаалга шылтап, "Сохрановка" станциясы аркылуу транзит үчүн газды кабыл алууну токтоторун айтып башка вариант сунуштаган. Бул туурасында "Украинанын газтранспорттук системасынын оператору" (ГТСУ) ишканасы кабарлаган. 11-май саат 7:00дөн тарта көгүлтүр от кабыл алынбай тургандыгын айтышкан. Оператор компания транзиттин көлөмүн "Суджага" өткөрүүнү сунуштаган. Бир эле мезгилде "Нафтогаз Украины" ишканасынан маалымат түшүп, Россия тараптан "Сохрановкага" газ жөнөтүү улана берсе, аталган жерден кайра чыккан көгүлтүр оттун көлөмү азаярын айтышкан.
"Буга байланыштуу "Газпром" форс-мажор кырдаалы боюнча эч кандай билдирүү албагандыгын жана мурдагы тартип менен иштөөдө эч кандай тоскоолдуктарды көрбөгөндүгүн айтат. Украиналык адистер бул мезгилдин ичинде "Сохрановка", "Новопсковдо" жакшынакай эле иштеп келишкен жана ал дагы деле уланууда. "Сохрановка" аркылуу транзит толук камсыздалып турган жана контрагенттерден эч кандай нааразылык түшкөн эмес жана азыр да жок",— деп билдирди Куприянов.
Ал "Газпром" европалык колдонуучулардын алдында милдеттерин толук аткарып жаткандыгын, газды транзит боюнча операторлор менен түзгөн келишимдин тартибинде жөнөткөндүгүн, транзит акчасы толук төлөнгөндүгүн белгилеген.
"Россиялык агым схемасынан алганда “Суджага" өткөрүүгө техникалык жактан мүмкүн эмес, 30.12.2019-жылы түзүлгөн өз ара иштешүү боюнча макулдашууда бөлүштүрүү иштери так жазылган. Бул Украина тарапка да жакшы белгилүү ", — деп кошумчалаган россиялык энергогиганттын өкүлү.
VNG компаниясынын газ сактоочу жайы. Архив - Sputnik Кыргызстан, 1920, 10.05.2022
Германиянын VNG компаниясы газ акысын Россия айткандай төлөөгө макул болду
Жаңылыктар түрмөгү
0