https://sputnik.kg/20220511/evrobirimdik-munaj-ehmbargo-rossiya-utush-1064304209.html
ЖМК: Евробиримдиктин мунай жана газ эмбаргосунан Россия гана утушта болот
ЖМК: Евробиримдиктин мунай жана газ эмбаргосунан Россия гана утушта болот
Sputnik Кыргызстан
ЕБ өз мамлекеттерин Россиянын энергетикалык ресурстарына көз карандылыкты азайтууга чакырып жатат. 11.05.2022, Sputnik Кыргызстан
2022-05-11T12:45+0600
2022-05-11T12:45+0600
2022-05-11T12:46+0600
россия
европа
газ
эмбарго
кесепет
https://sputnik.kg/img/07e5/01/0d/1051088863_0:320:3072:2048_1920x0_80_0_0_92d30b908aefeaa33f74ac7985226072.jpg
БИШКЕК, 11-май — Sputnik. Евробиримдик Россия мунайына эмбарго киргизген күндө Москва гана утушта болот. Бул тууралуу швейцариялык Neue Zürcher Zeitung гезитиндеги макалага шилтеме берип РИА Новости жазды.Мындан тышкары, адистер эмбаргодон улам Кытай менен Индия Россиядан арзан баада мунай алып пайда көрөрүн кошумчалады.Ал эми ЕЭКтин Отун-энергетика комплексинин экономика бөлүмүнүн башчысынын орун басары Сергей Колобанов газ эмбаргосу тууралуу оюн айтты. Анын пикиринде, Европага башка өлкөлөрдөн келген жаратылыш газы океандагы тамчыга барабар экенин айтууда.Мындан тышкары, ал Алжирдин Испанияга ири кубатуулукта газ жиберүү мүмкүнчүлүгү бар экенин, бирок Пиреней жарым аралында чектөөлөр көп экенин эске салды. Франция менен газ байланышын жандандыруу үчүн өлкөлөр ортосундагы MidCat кууру боюнча долбоорду кайра баштоо керектигин, бирок буга бир нече жыл кетерин кошумчалады.Андыктан адис Европада быйыл газды үнөмдөөдөн башка айла калбаганын билдирди. Ал эми келечекте энергиянын кайра жаралуучу булактары жана атомдук электр станциялары тарабынан электр энергиясын иштеп чыгууну жолго салышы керек.Еврокомиссия март айында Евробиримдик үчүн 2022-жылы Россия газына болгон суроо-талапты үчтөн экиге, башкача айтканда, болжол менен 100 миллиард куб метрге кыскарта турган атайын планды иштеп чыгууну сунуштаган. Еврокомиссиянын башчысы Урсула фон дер Лейен өткөн аптада Россияга каршы санкциялардын алтынчы пакетинин алкагында Россия мунайына этап-этабы менен тыюу салууну сунуштай турганын билдирди.Ошол эле учурда Европанын кээ бир өлкөлөрү өздөрү үчүн жеңилдиктерди сурап жатышат. Мисалы, Венгрия менен Словакияга мунай импортунан баш тартуу үчүн 2023-жылдын аягына чейин убакыт керек. Жеңилдиктерге Чехия менен Болгария дагы муктаж. Санкцияларды бекитүү үчүн биримдиктин бардык мүчөлөрүнүн колдоосу керек.Украинаны демилитаризациялоо боюнча атайын операция башталгандан кийин Батыш өлкөлөрү Москвага каршы санкциялык кысымын күчөттү. ЕБ өз мамлекеттерин Россиянын энергетикалык ресурстарына көз карандылыкты азайтууга чакырып жатат.
https://sputnik.kg/20220511/aksh-diplomat-moskva-poziciya-vashingtondon-ashty-1064302135.html
европа
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
россия, европа, газ, эмбарго, кесепет
россия, европа, газ, эмбарго, кесепет
ЖМК: Евробиримдиктин мунай жана газ эмбаргосунан Россия гана утушта болот
12:45 11.05.2022 (Жаңыртылды: 12:46 11.05.2022) ЕБ өз мамлекеттерин Россиянын энергетикалык ресурстарына көз карандылыкты азайтууга чакырып жатат.
БИШКЕК, 11-май — Sputnik. Евробиримдик Россия мунайына эмбарго киргизген күндө Москва гана утушта болот. Бул тууралуу швейцариялык Neue Zürcher Zeitung гезитиндеги макалага шилтеме берип
РИА Новости жазды.
"Россия мунайынын көлөмү азайгандыктан Европа өлкөлөрүндө анын баасы көтөрүлдү. Демек, Россия аз көлөм менен деле мурдагыдан дагы көп киреше көрүп жатышы мүмкүн. Албетте, мындай учурда Москва гана утушта болот. Анын үстүнө эмбарго киргизилгенден кийин баа мурдагыдан да кескин көтөрүлөт", — деди Хосп.
Мындан тышкары, адистер эмбаргодон улам Кытай менен Индия Россиядан арзан баада мунай алып пайда көрөрүн кошумчалады.
Ал эми ЕЭКтин Отун-энергетика комплексинин экономика бөлүмүнүн башчысынын орун басары Сергей Колобанов газ эмбаргосу тууралуу оюн айтты. Анын пикиринде, Европага башка өлкөлөрдөн келген жаратылыш газы океандагы тамчыга барабар экенин айтууда.
"Европа россиялык газдан этап-этабы менен баш тартууга үмүттөнүүдө. Бирок ушул эле көлөмдөгү газды башка жактардан алуунун ордуна газ колдонуунун көлөмүн азайтууга аракет кылып жатышат. Учурда алар көгүлтүр отту Норвегиядан, Алжирден жана Азербайжандан алууну көздөөдө. Анткен менен бул Россия газынын көлөмүнө салыштырмалуу океандын тамчысындай болуп калат", — деди Колобанов.
Мындан тышкары, ал Алжирдин Испанияга ири кубатуулукта газ жиберүү мүмкүнчүлүгү бар экенин, бирок Пиреней жарым аралында чектөөлөр көп экенин эске салды. Франция менен газ байланышын жандандыруу үчүн өлкөлөр ортосундагы MidCat кууру боюнча долбоорду кайра баштоо керектигин, бирок буга бир нече жыл кетерин кошумчалады.
Андыктан адис Европада быйыл газды үнөмдөөдөн башка айла калбаганын билдирди. Ал эми келечекте энергиянын кайра жаралуучу булактары жана атомдук электр станциялары тарабынан электр энергиясын иштеп чыгууну жолго салышы керек.
Еврокомиссия март айында Евробиримдик үчүн 2022-жылы Россия газына болгон суроо-талапты үчтөн экиге, башкача айтканда, болжол менен 100 миллиард куб метрге кыскарта турган атайын планды иштеп чыгууну сунуштаган. Еврокомиссиянын башчысы Урсула фон дер Лейен өткөн аптада Россияга каршы санкциялардын алтынчы пакетинин алкагында Россия мунайына этап-этабы менен тыюу салууну сунуштай турганын билдирди.
Ошол эле учурда Европанын кээ бир өлкөлөрү өздөрү үчүн жеңилдиктерди сурап жатышат. Мисалы, Венгрия менен Словакияга мунай импортунан баш тартуу үчүн 2023-жылдын аягына чейин убакыт керек. Жеңилдиктерге Чехия менен Болгария дагы муктаж. Санкцияларды бекитүү үчүн биримдиктин бардык мүчөлөрүнүн колдоосу керек.
Украинаны демилитаризациялоо боюнча атайын операция башталгандан кийин Батыш өлкөлөрү Москвага каршы санкциялык кысымын күчөттү. ЕБ өз мамлекеттерин Россиянын энергетикалык ресурстарына көз карандылыкты азайтууга чакырып жатат.
