РКӨФ "Лейлек" кичи ГЭСин курууга насыя иретинде 5,6 млн. доллар бөлдү

© Sputnik / Александр Кряжев / Медиабанкка өтүүПодстанция. Архив
Подстанция. Архив - Sputnik Кыргызстан, 1920, 15.04.2022
Жазылуу
Бул ГЭСтин эсебинен Баткен облусунун электр энергиясына болгон керектөөсү 3,5 пайызга канааттандырылат.
БИШКЕК, 15-апр. — Sputnik. Россия-кыргыз өнүктүрүү фонду "Лейлек" кичи ГЭСин куруу үчүн 5,6 миллион доллар жеңилдетилген насыя бөлдү. Бул тууралуу аталган фонд кабарлады.
Маалыматка караганда, ГЭСтин кубаттуулугу 5,9 мегаватты, жылдык көлөмү 26,3 миллион киловатт-саатты түзөт. Мунун эсебинен Баткен облусунун электр энергиясына болгон керектөөсү 3,5 пайызга канааттандырылат.
"Президент Садыр Жапаровдун жетекчилиги астында энергетикалык секторду реформалоо боюнча чоң иштер жасалууда. РКӨФ бул процесске активдүү катышып жатат. Биз Баткен облусунда кичи ГЭС куруу боюнча биринчи долбоорду баштадык", — деди фонддун башкаруучулугунун төрагасы Артем Новиков.
Долбоордун техникалык-экономикалык негиздемеси "Росатом Орто Азия" ЖАКсы (россиялык ишкана) тарабынан иштелип чыккан. Ушул эле ишкана Кыргызстанда бир нече кичи ГЭС курууну пландап жатат. Ошондой эле "Лейлек" ГЭСи үчүн жабдыктарды алып келе турган негизги жеткирүүчү болмокчу. Долбоордо жергиликтүү өндүрүштүн жабдыктары дагы колдонулат. Мисалы, Оштогу "Кыргыз Унаа Курулуш" заводунан чыгарылган турбиналар колдонулат.
Ал эми "Кыргыз Каганат" ЖЧКсы долбоорду ишке ашыруу менен алектенет. Курулуш иши 2022-жылдын март айында башталып, келерки жылы ушул мезгилде соңуна чыгарылат.
Курулуш иштери. Архив - Sputnik Кыргызстан, 1920, 13.04.2022
Куланак ГЭСин курууга белсенген компания тууралуу эмне белгилүү
Жаңылыктар түрмөгү
0