https://sputnik.kg/20220331/kyrgyzstan-kambar-ata-1-gehs-kurulush-1063294551.html
Министр Бекмурзаев: Камбар-Ата-1 ГЭСин жайында кура баштайбыз
Министр Бекмурзаев: Камбар-Ата-1 ГЭСин жайында кура баштайбыз
Sputnik Кыргызстан
Доскул Бекмурзаевдин айтымында, Кыргызстандын Камбар-Ата-1 ГЭСин курууга башка мамлекеттердин көмөгүсүз эле кудурети жетет. 31.03.2022, Sputnik Кыргызстан
2022-03-31T17:07+0600
2022-03-31T17:07+0600
2022-03-31T17:08+0600
кыргызстан
энергетика
камбар-ата-1 гэси
курулуш
доскул бекмурзаев
https://sputnik.kg/img/07e6/01/19/1061515547_0:596:2581:2048_1920x0_80_0_0_0f955c785b094011c0a421a29420ca64.jpg
БИШКЕК, 31-мар. — Sputnik. Камбар-Ата-1 ГЭСинин курулушу июнь-июль айларында башталат. Бул тууралуу энергетика министри Доскул Бекмурзаев маалымат жыйын учурунда билдирди.Министрдин айтымында, бул акыркы 30-40 жылдагы эң ири долбоор. Ошондой эле анын суу сактагычында 5 миллиард куб метр суу топтоого мүмкүн экенин, бул суу тартыштыгы көйгөйүн чечерин кошумчалады.Камбар-Ата-1 ГЭСи тууралууКамбар-Ата-1 ГЭСи кубаттуулугу боюнча 1 860 мегаватты түзүп (Токтогул ГЭСинен бир жарым эсе чоңдук кылмакчы), жылына 5,6 миллиард киловатт-саат электр кубатын иштеп чыгары кабарланган. Салыштыруу үчүн айтсак, былтыр өлкөдө 15 миллиард киловатт-саат өндүрүлгөн. Сөз болуп жаткан ГЭС Токтогулдан жогорураак, Нарын дарыясына салынмакчы. Плотинанын бийиктиги 256 метр болору айтылууда. Суу сактагычтын көлөмү 5,4 миллион куб метр болмокчу. Алдын ала эсептөөлөр боюнча, долбоорго жумшалган каражаттын суммасы 2,9 миллиард долларга чыгат.Объект өзүн-өзү 12 жылда актай тургандыгы айтылат. Тактап кете турган маанилүү учур, мында CASA-1000 долбоору эске алынат. Электр төрт мамлекеттин — Кыргызстандын, Тажикстандын, Афганистандын жана Пакистандын аймагынан өтмөкчү. Долбоор Борбор Азия мамлекеттерине өндүрүштөн электр кубатын чыгарууга мүмкүнчүлүк берет.Камбар-Ата-1 ГЭСин башында "Интер РАО" ишканасы кура турган болгон. Бул боюнча макулдашууга 2012-жылы кол коюлган. Анткен менен ал кездеги президент Алмазбек Атамбаев Россия долбоор боюнча милдетин аткара албастыгын айтып, эки макулдашууну жокко чыгарган. Экинчиси Жогорку Нарын каскады боюнча эле.Ал эми 2017-жылы Өзбекстан президенти Шавкат Мирзиёев Камбар-Ата ГЭСи боюнча долбоорго катышууга макул экендигин билдирген жайы бар. Бирок биринчи же экинчи станциянын кайсынысы экендигин так айткан эмес.Былтыр президент Садыр Жапаровдун Өзбекстанга болгон иш сапарынын алкагында Камбар-Ата-1 ГЭСинин курулушуна инвестициялык долбоор тартуу тууралуу келишимге кол коюлган.
https://sputnik.kg/20220329/kyrgyzstan-menen-kytay-energetika-boyuncha-kantip-kyzmattashat-1063242932.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, энергетика, камбар-ата-1 гэси, курулуш, доскул бекмурзаев
кыргызстан, энергетика, камбар-ата-1 гэси, курулуш, доскул бекмурзаев
Министр Бекмурзаев: Камбар-Ата-1 ГЭСин жайында кура баштайбыз
17:07 31.03.2022 (Жаңыртылды: 17:08 31.03.2022) Доскул Бекмурзаевдин айтымында, Кыргызстандын Камбар-Ата-1 ГЭСин курууга башка мамлекеттердин көмөгүсүз эле кудурети жетет.
БИШКЕК, 31-мар. — Sputnik. Камбар-Ата-1 ГЭСинин курулушу июнь-июль айларында башталат. Бул тууралуу энергетика министри Доскул Бекмурзаев маалымат жыйын учурунда билдирди.
Министрдин айтымында, бул акыркы 30-40 жылдагы эң ири долбоор. Ошондой эле анын суу сактагычында 5 миллиард куб метр суу топтоого мүмкүн экенин, бул суу тартыштыгы көйгөйүн чечерин кошумчалады.
"Долбоорго Өзбекстан менен Казакстан катышууга ниеттенүүдө. Алардын инвестициясынын көлөмү май айында билинет. Ошол эле учурда Кыргызстан башка мамлекеттердин көмөгүсүз эле станцияны курууга кудурети жетерине ишенем", — деди министр.
Камбар-Ата-1 ГЭСи тууралуу
Камбар-Ата-1 ГЭСи кубаттуулугу боюнча 1 860 мегаватты түзүп (Токтогул ГЭСинен бир жарым эсе чоңдук кылмакчы), жылына 5,6 миллиард киловатт-саат электр кубатын иштеп чыгары кабарланган. Салыштыруу үчүн айтсак, былтыр өлкөдө 15 миллиард киловатт-саат өндүрүлгөн. Сөз болуп жаткан ГЭС Токтогулдан жогорураак, Нарын дарыясына салынмакчы. Плотинанын бийиктиги 256 метр болору айтылууда. Суу сактагычтын көлөмү 5,4 миллион куб метр болмокчу. Алдын ала эсептөөлөр боюнча, долбоорго жумшалган каражаттын суммасы 2,9 миллиард долларга чыгат.
Объект өзүн-өзү 12 жылда актай тургандыгы айтылат. Тактап кете турган маанилүү учур, мында CASA-1000 долбоору эске алынат. Электр төрт мамлекеттин — Кыргызстандын, Тажикстандын, Афганистандын жана Пакистандын аймагынан өтмөкчү. Долбоор Борбор Азия мамлекеттерине өндүрүштөн электр кубатын чыгарууга мүмкүнчүлүк берет.
Камбар-Ата-1 ГЭСин башында "Интер РАО" ишканасы кура турган болгон. Бул боюнча макулдашууга 2012-жылы кол коюлган. Анткен менен ал кездеги президент Алмазбек Атамбаев Россия долбоор боюнча милдетин аткара албастыгын айтып, эки макулдашууну жокко чыгарган. Экинчиси Жогорку Нарын каскады боюнча эле.
Ал эми 2017-жылы Өзбекстан президенти Шавкат Мирзиёев Камбар-Ата ГЭСи боюнча долбоорго катышууга макул экендигин билдирген жайы бар. Бирок биринчи же экинчи станциянын кайсынысы экендигин так айткан эмес.
Былтыр президент Садыр Жапаровдун Өзбекстанга болгон иш сапарынын алкагында Камбар-Ата-1 ГЭСинин курулушуна инвестициялык долбоор тартуу тууралуу келишимге кол коюлган.
29 Жалган Куран 2022, 19:18
