Уктаганда туура эмес жатуу өз кесепетин тийгизет. Адистин эскертүүсү

© Фото / PexelsУктап жаткан кыз. Иллюстративдик сүрөт
Уктап жаткан кыз. Иллюстративдик сүрөт - Sputnik Кыргызстан, 1920, 12.02.2022
Жазылуу
НовостиTelegram
Сомнолог капталдап жатуу медициналык жактан туура деп саналарын айтты. Бирок анын оң жана сол тарабына маани берүү керек.
БИШКЕК, 12-фев. — Sputnik. Уктаганда туура эмес жатуу ыңгайсыздыкка гана кептебестен, кесепетин тийгизип, ооруларды да жаратышы мүмкүн. Бул тууралуу Sputnik радиосуна невролог-сомнолог Елена Царева айтып берди.
Адистин билдиришинче, адамдардын көбү бир эле абалда жатканды жактырат. Мисалы, капталдап жатуу медициналык жактан туура деп саналат. Себеби зат алмашуу процесси тезирээк жүрөт. Бирок дененин сол тарабына күч келтирүү жүрөк оорусу барларга зыянын тийгизиши мүмкүн.
Дарыгер көмкөрөдөн жатып уктоо эң кооптуу экенин айтты, минтип көп уктагандар омурткасын жабырткатат. Мунун айынан эртең менен моюн жана баш оорушу мүмкүн.
Адис мындай абалда уктоо зат алмашуунун бузулушуна алып келип, Альцгеймер оорусун шартташы ыктымалдыгын эскерткен.
"Күнү бою организмде топтолгон заттар түндө чыгышы керек. Бирок изилдөө көмкөрөдөн жатканда ал процесс жүрбөй каларын көрсөткөн. Эгер ал заттар топтоло берсе, мисалы, амилоид белогу чыкпай калса Альцгеймер оорусуна алып келиши мүмкүн", — деген Царева.
Ошондой эле дарыгер уктаганда дем алуудан кыйналгандар чалкалап жатпашы керектигин да эскертти.
Автоуунада уктап жаткан киши. Архив - Sputnik Кыргызстан, 1920, 06.02.2022
Невролог кандай керебетте уктоо ден соолукка зыянын тийгизерин эскертти
Жаңылыктар түрмөгү
0