https://sputnik.kg/20220119/suunun-azdygy-ehnergetika-ministri-tynchsyzdanuu-1061345878.html
Кар жаабаган кыш, суу эмне болот? Энергетика министри тынчсыздануусун билдирди
Кар жаабаган кыш, суу эмне болот? Энергетика министри тынчсыздануусун билдирди
Sputnik Кыргызстан
Министр Казакстан менен Өзбекстандагы кесиптештерин Токтогул суу сактагычындагы суунун деңгээлин көрүүгө чакырганын билдирди. 19.01.2022, Sputnik Кыргызстан
2022-01-19T10:19+0600
2022-01-19T10:19+0600
2022-01-19T10:20+0600
кыргызстан
суу
кар
токтогул суу сактагычы
кыш
https://sputnik.kg/img/103052/53/1030525385_0:13:3000:1701_1920x0_80_0_0_0f4aeb61d040ff5524c30fb7dbd46ca0.jpg
БИШКЕК, 19-янв. — Sputnik. Энергетика министри Доскул Бекмурзаев кар жаабай жаткандыктан Токтогул суу сактагычында суу тартыштыгы жаралышы мүмкүндүгүн айтып, тынчсыздануусун билдирди.Жогорку Кеңештин отурумунда Отун-энергетика комплекси, жер казынасын пайдалануу жана өнөр жай саясаты комитетинин төрагасы Азизбек Турсунбаев быйыл суу маселеси эмне болорун сураган.Министр бул энергетиктерди да ойлондуруп жатканын айткан."Азыркыдай кете берсе быйыл былтыркы жылдан да оор болот. Ушул тапта Токтогул суу сактагычында суу өткөн жылга салыштырмалуу 3 миллиард куб метрге аз. Кыргызгидромет болжол менен март айында маалыматтарды берет. Агым аз болсо, көп нерсени ойлонуштурушубуз керек", — деген Бекмурзаев.Анын айтымында, Талас дарыясы (Киров суу сактагычында) жана Орто-Токой суу сактагычына ГЭС куруу зарыл.Токтогул ГЭСи — Кыргызстандагы эң ири гидроэлектр станциясы. Ал өлкөдөгү жалпы электр кубатынын 30 пайызын иштеп чыгып, энергетикалык негизги таяныч болуп эсептелет. Жылытуу маалынын машакатсыз өтүшү аталган суу сактагычтагы суунун көлөмүнө байланыштуу. 18-январга карата суунун көлөмү 9,5 миллиард куб метрди түзөт.
https://sputnik.kg/20211227/bala-saruu-gesinin-kurulushuna-karazhat-tabyldy-1060787711.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, суу, кар, токтогул суу сактагычы, кыш
кыргызстан, суу, кар, токтогул суу сактагычы, кыш
Кар жаабаган кыш, суу эмне болот? Энергетика министри тынчсыздануусун билдирди
10:19 19.01.2022 (Жаңыртылды: 10:20 19.01.2022) Министр Казакстан менен Өзбекстандагы кесиптештерин Токтогул суу сактагычындагы суунун деңгээлин көрүүгө чакырганын билдирди.
БИШКЕК, 19-янв. — Sputnik. Энергетика министри
Доскул Бекмурзаев кар жаабай жаткандыктан Токтогул суу сактагычында суу тартыштыгы жаралышы мүмкүндүгүн айтып, тынчсыздануусун билдирди.
Жогорку Кеңештин отурумунда Отун-энергетика комплекси, жер казынасын пайдалануу жана өнөр жай саясаты комитетинин төрагасы Азизбек Турсунбаев быйыл суу маселеси эмне болорун сураган.
"Кыштын жарымы өттү. Кар жок. Суу маселеси эмне болот?" — деген ал.
Министр бул энергетиктерди да ойлондуруп жатканын айткан.
"Азыркыдай кете берсе быйыл былтыркы жылдан да оор болот. Ушул тапта Токтогул суу сактагычында суу өткөн жылга салыштырмалуу 3 миллиард куб метрге аз. Кыргызгидромет болжол менен март айында маалыматтарды берет. Агым аз болсо, көп нерсени ойлонуштурушубуз керек", — деген Бекмурзаев.
Анын айтымында, Талас дарыясы (Киров суу сактагычында) жана Орто-Токой суу сактагычына ГЭС куруу зарыл.
"Ал жерде суу чыгаруу тартибин өзгөртүү керек, бирок бул Казакстанга таасирин тийгизет. Ошондуктан мен Казакстан менен Өзбекстандын энергетика министрлерин бизге келип кетүүгө чакырдым. Аларды Токтогул ГЭСине алып барып суунун деңгээлин көрсөтүп, маселени ынтымакта чечсек жакшы болмок", — деди министр.
Токтогул ГЭСи — Кыргызстандагы эң ири гидроэлектр станциясы. Ал өлкөдөгү жалпы электр кубатынын 30 пайызын иштеп чыгып, энергетикалык негизги таяныч болуп эсептелет. Жылытуу маалынын машакатсыз өтүшү аталган суу сактагычтагы суунун көлөмүнө байланыштуу. 18-январга карата суунун көлөмү 9,5 миллиард куб метрди түзөт.
27 Бештин айы 2021, 22:49
