Диетолог уйкуну качырган азыктарды тизмектеди

© Фото / Pexels/ cottonbroУктай албай жаткан аял. Архив
Уктай албай жаткан аял. Архив - Sputnik Кыргызстан, 1920, 18.01.2022
Жазылуу
Уйкусу канбаган киши бат чарчап, жини келип, тамакты көп жеп калат.
БИШКЕК, 18-янв. — Sputnik. Диетолог Елена Кален кечинде жеген айрым азыктар уйкуну качыра турганын айтып, аларды тизмектеп бергенин РИА Новости жазды.
Адис адамда уйку канбагандык көнүмүшкө айланып кетсе иммунитети түшүп, организмде стресс гормондору топтолуп, абалы начарлап баштай турганын белгилеген. Мындан тышкары, жакшы уктабаган киши бат чарчап, жини келип, тамакты көп жеп калат.
"Куурулган эт же гриль, помидор, баклажан, консерваланган азыктар, туздалган балык же жашылча, авокадо, сыр сыяктуу тамактар уйкуну качырышы ыктымал. Булардын курамында тиранин көп. Амин кычкылы организмге киргенде стресс гормонун пайда кылат. Жатарда бул азыктарды көп жеп алган адамдын уйкусу ачылып, түндө уктай албай кыйналышы мүмкүн", — деген Кален.
Ал уктаар алдында сельдерей чөбү сыяктуу заара чакырган азыктардан да алыс болууга чакырган.
Салат. Архивдик сүрөт - Sputnik Кыргызстан, 1920, 16.01.2022
Ачка жатпаш керек. Диетолог уйку алдындагы тамактануу тууралуу
Жаңылыктар түрмөгү
0