Өкмөт автоунаа айнегин акча төлөп караңгылатуу маселесине кайра кайрылды

© Фото / Pixabay/ CreaParkУнаанын караңгылатылган терезеси. Архив
Унаанын караңгылатылган терезеси. Архив - Sputnik Кыргызстан, 1920, 14.01.2022
Жазылуу
Бул маселе мурдагы жылдары каралган. Анда аткаминерлер мындай жол менен бюджетке түшкөн каражатты көбөйтүүгө болот дешкен.
БИШКЕК, 14-янв. — Sputnik. Министрлер кабинети автоунаалардын алдыңкы каптал айнектерин акча төлөп караңгылатып жүрүүгө уруксат берүү боюнча маселени алып чыгууда.
Токтом долбоору коомдук талкууга коюлду.
Өкмөт мындай идеяны өткөн жылдын жаз айында Улукбек Марипов жетекчи болуп турганда да сунуштаган эле. Маселе 2020-жылы эле көтөрүлгөн. Анда аткаминерлер мындай жол менен бюджетке түшкөн каражатты көбөйтүүгө болот дешкен.
Азыркы министрлер кабинети да ушундай негиздемени айтып жатат. Акча төлөп айнекти караңгылатуу сунушталганы менен азырынча анын баасы так аныктала элек.
Өткөн жылдын 11 айында инспекторлор жогорудагыдай багыттагы тартип бузуу боюнча 2559 протокол толтурган.
Бийлик айнекти акча төлөп коюп, караңгылатып жүрүү коңшу Өзбекстан менен Тажикстанда колдонулары айтылды. Министрлер кабинети билдиргендей, бейрасмий маалыматта өлкөдө 1 миллион 455 миң автокөлүк бар.
Мас абалында унаа айдоо. Иллюстративдик сүрөт - Sputnik Кыргызстан, 1920, 02.01.2022
Жаңы жыл түнү мас болуп машина айдаган 29 айдоочу кармалды. Рейтинг
Жаңылыктар түрмөгү
0
Алгач жаңыларыАлгач эскилери
loader