https://sputnik.kg/20211228/uluttuk-bank-intervenciya-dollar-satuu-1060789446.html

Улуттук банк сомдун кунун кармоо үчүн дагы бир ирет интервенция жүргүздү

Улуттук банк сомдун кунун кармоо үчүн дагы бир ирет интервенция жүргүздү

Sputnik Кыргызстан

Бул жылы Улуттук банк валюта рыногуна 15 жолу доллар сатты. Акыркысы кечээ, дүйшөмбү күнү, катталды. 28.12.2021, Sputnik Кыргызстан

2021-12-28T10:08+0600

2021-12-28T10:08+0600

2021-12-28T10:09+0600

экономика

улуттук банк

доллар

интервенция

сатуу

https://sputnik.kg/img/07e5/0c/1c/1060788635_0:294:3073:2022_1920x0_80_0_0_2cd560cce1b1be3b7edea552f03a5933.jpg

БИШКЕК, 28-дек. — Sputnik. Улуттук банк кечээ, 27-декабрда, валюта рыногуна 65 миллион 950 миң доллар сатты.Бул 2021-жылдагы 15-интервенция болуп калды, жалпысынан 698 миллион 950 миң доллар сатылды. Мындан сырткары, башкы банк 24-ноябрда накталай дагы 38 миллион доллар саткан.Соңку айларда интервенциянын көлөмү эки жолу рекорд жаратты: 23-ноябрда — 70,3 миллион, 7-декабрда 71,3 миллион доллар сатылды. Улуттук банктын маалыматы боюнча, буга чейин бир жылда жасалган интервенциянын суммасы такыр 600 миллион доллардан ашкан эмес.Valuta.kg порталында жазылгандай, дүйшөмбүнүн таңына салыштырмалуу банктарда жана акча алмаштыруучу жайларда долларды сатып алуу төрт тыйынга арзандап 84,72 сомду түздү, ал эми сатуу мурдагыдай эле 84,9 сомдун чегинде.Улуттук банк валюта рыногунда олку-солку абалды жөнгө салып, сомду колдоо үчүн интервенция жасап турат. Бул үчүн алтын-валюталык запас колдонулат. Резервде ондогон валюта, SDR (Эл аралык валюта фондунун төлөм каражаты) жана алтын куймалар бар.

https://sputnik.kg/20211223/kyrgyzstan-altyn-zapas-uluttuk-bank-1060648185.html

2021

Жаңылыктар

kg_KG

экономика, улуттук банк, доллар, интервенция, сатуу